SAN JUAN 14:16 - Dios Rimashcata Quillcashcami

¹⁶ Ñuca Taitaman mañacpica, shuctac Cushichictami cachanga. Chai Cushichicca huiñaitami cancunahuan canga.

Nuevo Testamento en Quichua Cañar 1996

¹⁶ Cancunaman shuctac Cushichicta cachachun, ñuca Taitaman mañashami. Chai Cushichicca huiñaitami cancunahuanca canga.

SAN JUAN 14:16 Iomraidhean Croise

SAN MATEO 28:20

Ñuca cancunaman mandashpa yachachishcacunata paicunapish cazuchun yachachinguichic. Ñucaca cai pacha tucuringacamanmi, cancunahuanca casha» nirca.

SAN JUAN 14:14

Imatapish ñuca shutipi mañacpica, chaitami cusha.

SAN JUAN 14:18

Mana cancunallata saquishachu, cancunapacman cutimushami.

SAN JUAN 14:26

Chaica, Dios ñucapac shutipi cachagricuc Cushichic Espíritu shamushpami, tucuita yachachinga, tucui ñuca nishcacunatapish yuyachinga.

SAN JUAN 15:26

Ashtahuanpish Taitamanta ñuca cachashca Cushichic Diospac Espíritu shamushpami, ñucataca ricsichinga. Paica cashcata nicmi.

SAN JUAN 16:22

Shinallatacmi cancunaca llaquiringuichic. Shina cashpapish, ñuca cutimucpica, cancunapac shungupi yallitami cushicunguichic. Chai cushicuitaca pi mana quichungachu.

SAN JUAN 17:15

Mana cai pachamanta paicunata anchuchichunchu mañanichu, ashtahuanpish tucui millaimanta huacaichichunmi mañani.

SAN JUAN 17:20

Mana paicunallamantachu mañani, ashtahuanpish paicunapac huillashcata uyashpa, ñucata criccunamantapishmi mañani.

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

SAN JUAN 7:39

Jesusca, paita criccuna Diospac Espirituta chasquina cashcamantami chashna nirca. Jesusta Dios manarac jahua pachaman pushacpimi, Diospac Espirituca manarac shamushca carca.

HECHOS 1:4

Paicunahuan cashpa, Jesús paicunata mandashpaca: —Ñuca huillashca shina, ñuca Taita cusha nishca Espíritu shamungacaman, Jerusalén pueblomanta maiman mana rishpa, chaipi shuyacunguichic.

HECHOS 13:52

Chai pueblopi causac criccunaca Diospac Espíritu shungupi junda cacpimi, yallita cushicurca.

HECHOS 9:31

Chaimantami Judea llactapi, Galilea llactapi, Samaria llacta tandanacushca criccunaca cushilla causarcacuna. Paicunaca Mandac Diosta manchashpa, ashtahuan sinchi criccunami tucurca. Shinallatac Diospac Espíritu pushacushcamantami, ashtahuan achca criccuna tucurca.

ROMANOS 14:17

Dios mandashca causanaca mana ubianata, micunata yuyashpalla causanachu, ashtahuanpish Diospac Espíritu ayudacpi, cashcata ruhuashpa, cushilla causanami.

ROMANOS 15:13

Diospac Espíritu crishpa, shuyana yuyaita yallita charichun, Diosllatac cushichishpa, crishpa cushi causaita cuchun. Diosca shuyana yuyaita cucmi.

ROMANOS 5:5

Diosca paipac Espirituta cachashpami, ñucanchic shungupi cuyaita churashca. Chaimantami mana yanga shuyacunchic.

ROMANOS 8:34

¿Pitac paicunataca juchanchinga? Jesucristomi ña huañurca. Paimi huañushcacunapuramanta causarishpa, Diospac alli maquiman rishpa ñucanchicmanta mañacun.

GÁLATAS 5:22

Ashtahuanpish Diospac Espíritu yuyaita cushca causaccunaca cuyaccunami, cushi causaccunami, sumacta causaccunami, mana utca piñariccunami, llaquiccunami, cuccunami, Diospi shunguta churaccunami,

FILIPENSES 2:1

Cristo cancunata cushichicucpi, paipac cuyai cancunata sinchiyachicucpi Diospac Espiritupish cancunahuan cacpi, llaquinacushpa caishuc chaishuc cuyanacui tiyacpica,

2 TESALONICENSES 2:16

Ñucanchicta cuyac Diosllatac, shinallatac pai cuyashcallamanta huiñai huiñaita cushi canatapish, cushicushpa shuyanatapish cuc ñucanchic Apunchic Jesucristollatac

HEBREOS 7:25

Paimanta Diospacman cuchuyaccunataca, huiñai huiñaipacmi quishpichin. Paica huiñaitami causacun, chashnami huiñaita mañacun.

1 JUAN 2:1

Ñuca cuyashca huahuacuna, cancuna ama juchallichunmi caicunataca quillcani. Shina cacpipish maijan juchallishpaca, Dios-huan rimactami charinchic. Paica imatapish cashcata ruhuac Jesucristomi.

1 JUAN 2:27

Jesucristo cushca Diospac Espirituca cancunapimi causacun. Diospac Espiritullatacmi tucui imatapish yachachicun. Pai yachachishpaca, mana llullashpa chashnatac cashcatami huillan. Chaimanta pi yachachictaca mana mashcanachu canguichic. Diospac Espíritu yachachishca shina, Jesucristohuan shuclla causaichic.

2 JUAN 1:2

Chai cashcata nic huillashcaca ñucanchic shungupimi causacun. Chaica mana chingaringachu. Chaimantami cancunataca cuyani.