SAN JUAN 14:15 - Dios Rimashcata Quillcashcami

¹⁵ Ñucata cuyashpaca, ñuca mandashcacunata cazunguichic.

Nuevo Testamento en Quichua Cañar 1996

¹⁵ Cancuna ñucata c'uyashpaca, ñuca mandashcacunata cazunguichic.

SAN JUAN 14:15 Iomraidhean Croise

2 REYES 18:6

Ezequiasca Mandac Diosmanta mana anchurishpami catirca. Mandac Dios Moisesman cushca mandashcacunatapish pactachishpami causarca.

SAN MATEO 10:37

Maijanpish taita mamata ñucata yalli cuyacca, mana ñucapacchu. Maijanpish paipac huahuacunata ñucata yalli cuyacca, mana ñucapacchu.

SAN JUAN 8:42

Shina nicpimi, Jesusca: —Dios cancunapac taita cacpica, cuyanguichicmanmi. Ñucaca Diosmantami shamurcani. Mana ñuca munaimantachu shamurcani, ashtahuanpish Diosmi cacharca.

1 CORINTIOS 16:22

Maijanpish Apunchic Jesusta mana cuyactaca, llaquichishca cachun. ¡Ñucanchic Apunchic Jesús, shamuilla!

GÁLATAS 5:6

Shina cashcamanta Cristo Jesus-huan shuc shinalla cashpaca, circuncisionta ruhuashca cashpa, mana ruhuashca cashpapish mana ima canchu, ashtahuanpish Cristota criccuna cashcamanta cuyanacushpa causanami ashtahuan alli.

EFESIOS 6:24

Sumac mana chingaric cuyaihuan ñucanchic Apunchic Jesucristota tucui cuyaccunamanca, sumaimana cuyaita Diosca cushca cachun ninimi.

1 PEDRO 1:8

Cancunaca Apunchic Jesucristota mana ricushca cashpapish cuyanguichicmi. Cunan mana ricushpapish paita crishpami, yallita sumaimana cushicuita charinguichic.

2 JUAN 1:6

Cuyanacushpa causanaca, Dios mandashcacunata pactachinami. Chashna cuyanacushpa causanami nishpa mandashcataca, callarimanta pachami cancunaca ña uyashcanguichic.