SAN JUAN 14:13 - Dios Rimashcata Quillcashcami

¹³ Ñucapac shutipi imatapish mañacpica, ñuca Taita jatunyachishca cachunmi cusha.

Nuevo Testamento en Quichua Cañar 1996

¹³ Tucui imatapish cancuna mañacpica, paipac Churimanta Taita Diosta gentecuna sumac alli nichunca cushami.

SAN JUAN 14:13 Iomraidhean Croise

SAN MATEO 21:22

Tucui shunguhuan crishpa, Diosta mañashpaca japinguichicmi— nirca.

SAN MATEO 7:7

Diosta mañaichic, paica cungami. Mashcaichic, taringuichicmi. Huasiyuc nichic, paica pascangami.

MARCOS 11:24

Chaimantami ñucaca nini: Cancuna crishpa, imata mañacushcata japina yuyaihuan Diosta mañashpaca japinguichicmi.

SAN LUCAS 11:9

Chaimantami ñucaca nini: Diosta mañaichic, paica cungami. Mashcaichic, taringuichicmi. Huasiyuc nichic, paica pascangami.

SAN JUAN 10:30

Ñuca Taitahuanca shuc shinallami canchic— nirca.

SAN JUAN 12:44

Jesús sinchita rimashpaca: —Maijanpish ñucata cricca mana ñucallatachu crin, ashtahuanpish ñucata cachac Taitatami crin.

SAN JUAN 13:31

Judas llucshishpa ricpimi Jesusca: —Cunanmi Runa Tucungapac shamushca ñucaca jatunyachishca cagrini. Diospish ñucamantami jatunyachishca canga.

SAN JUAN 14:14

Imatapish ñuca shutipi mañacpica, chaitami cusha.

SAN JUAN 14:6

Shina nicpimi Jesusca: —Ñucami cashcata nicpish, ñanpish, causaita cucpish cani. Maijanpish ñucallamantami Diospacman chayanga.

SAN JUAN 15:16

Mana cancunachu ñucataca acllarcanguichic, ashtahuanpish ñucami cancunataca acllarcani. Cancuna rishpaca, allita, huiñaita pucuc yura shina causaichic, Shina causashpa, ñuca shutipi imata mañacpica, ñuca Taitaca cungallami.

SAN JUAN 15:7

Ñucahuan shuc shina cashpa, yachachishcacunatapish cazushpaca mañaichiclla. Tucui mañashcatami Taitaca cunga.

SAN JUAN 16:23

Chai punzhacunapica ña mana ashtahuan imata tapunguichicchu. Ñuca shutipi ñuca Taitaman mañacpica paica cungami. Chaica chashnatacmi canga.

SAN JUAN 16:26

Chai punzhacunapica cancunallatacmi ñuca shutipi mañanguichic. Ña mana cancunamanta ñuca Taitata mañashachu,

SAN JUAN 16:7

Shina cacpipish, cancunapac allipac rinami cani. Chashna ñuca mana ricpica, cancunata Cushichicca mana cancunapacman shamungachu. Ñuca rishpami, paitaca cachasha. Chaica chashnatacmi canga.

SAN JUAN 4:10

Shina nicpimi Jesusca: —Canca Dios imata cusha nicushcatapish, pi yacuta mañacuctapish mana yachanguichu. Yachashpaca, canracmi: “Yacuta carai” ninguiman. Chashna mañacpica, causaita cuc yacutami cuiman— nirca.

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

SAN JUAN 5:19

Chaimantami Jesusca: —Ñucaca Diospac Churi cashpapish, mana quiquin munaimanta ruhuanichu, ashtahuanpish ñuca Taita munashcallatami ruhuani. Imatami ñuca Taita ruhuan, chaitami ñucapish ruhuani. Chaica chashnatacmi can.

SAN JUAN 7:37

Fiesta tucuri jatun punzhapi Jesús jatarishpa sinchita rimashpaca: —Maijanpish yacunayachicca ñucapacman shamushpa, yacuta ubiaichic.

1 CORINTIOS 14:13

Chaimanta mana yachashca rimaita rimacca, chai rimashcata entendingapac Diosta mañaichic.

EFESIOS 2:18

Jesucristomantami israelcuna cashpa, mana israelcuna cashpapish, Diospac Espiritullatac yuyachishca shina Diospacman cuchuyanata pudinchic.

EFESIOS 3:12

Chashna cacpimi: “Cristota crishpa paihuan shuclla tucushcamantaca, Diosca chasquingallami” nishpa, mana manchashpa paipacman cuchuyanata pudinchic.

EFESIOS 3:14

Chaimantami ñucanchic Apunchic Jesucristopac Diospac ñaupapica mañangapac cungurini.

FILIPENSES 4:13

Imatapish ruhuaclla Cristohuanca tucui imatapish ruhuai pudini.

COLOSENSES 3:17

Imata ruhuashpapish, imata parlashpapish, Apunchic Jesuspac shutipimi ruhuana canguichic. Paimantami Diostaca pagui nina canguichic.

HEBREOS 13:15

¡Chaimantami Diostaca, Jesucristomanta huiñaita alabacunalla canchic! Chaimi Diosman cushca ofrenda shina can. ¡Chaimanta ñucanchic shimihuan Diospac shutita alli nicushunchic!

HEBREOS 4:15

Ñucanchic mana catinata pudicucpi, llaquishpa ayudac jatun mandac curatami charinchic. Paipish ñucanchic shinallatacmi llaquita aparca. Shina cashpapish jaicapi mana juchallircachu.

HEBREOS 7:25

Paimanta Diospacman cuchuyaccunataca, huiñai huiñaipacmi quishpichin. Paica huiñaitami causacun, chashnami huiñaita mañacun.

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.

SANTIAGO 5:16

Alliyashca cangapacca, ima mana allita ruhuashcacunatapish caishuc chaishuc huillanacuichic. Caishuc chaishucmanta Diosta mañaichic. Cashcata ruhuac Diosman mañacpica, imatapish pactachingallami.

1 PEDRO 2:5

Chashna chayaricpimi, Dios causana huasipica causac rumicuna shinata, shinallatac Diospaclla cac curacunata Diosca ruhuanga. Jesucristomantami Diospac Espíritu yuyaita cucpi cancuna cushcaca, mishquilla ashnacuc shina cachun chashnaca ruhuanga.

1 JUAN 3:22

Shina pai nishcata cazushpa, paipac ñaupapi allita ruhuashpa causacucpica, ñucanchic ima mañashcatapish cungami.

1 JUAN 5:14

Diospac munaipi imatapish mañacpica, paica uyanmi. Shina cashcamantami paipi shunguta churashpa mañanchic.