SAN JUAN 13:27 - Dios Rimashcata Quillcashcami

²⁷ Judas tandata japincami, Satanasca paipac shungupi yaicurca. Chaimantami Jesusca: —Can imata ruhuagricushcataca utca ruhuailla— nirca.

Nuevo Testamento en Quichua Cañar 1996

²⁷ Judas tandata japincami, Satanasca*f** paipac shungupi yaicurca. Chai q'uipami Jesusca: —Can imata ruhuagricushcataca utcashpa ruhuailla— nirca.

SAN JUAN 13:27 Iomraidhean Croise

1 REYES 18:27

Ña chaupi punzha tucucpimi, Eliasca paicunataca: «¡Paica shuc diosmi, sinchita caparichiclla! Paica imatami yuyaricunga, mana cashpaca imatami ruhuacunga. Mana cashpaca maimanmi rishca canga, mana cashpaca sueñucungami. Ricchachinami can» nirca.

SALMOS 109:6

Paicunata llaquichichunca canta mana manchac runata churaiyari. Paipac alli ladopica Satanás shayacuchun.

PROVERBIOS 1:16

Mana allita ruhuangapacca callpashpami rincuna. Huañuchishpa yahuarta jichangapacca utcami rincuna.

ECLESIASTÉS 9:3

Inti achicyachicuc cai pachapi tucui ruhuanamantaca caicunami mana alli ricurin. Tucuimi chashnallatac tucun. Huañuclla runapac shunguca tucui causaipimi mana allita ruhuana yuyaillahuan, juizhu illac causacun. Chai quipaca huañushcacunahuanmi tandanacugrin.

DANIEL 2:15

Chashna rishpa, jatun mandacta cuidaccunata mandac Arioctaca: —¿Imamantatac jatun mandacca yallita llaquichichun mandashpa quillcarcayari?— nirca. Shina huillacpimi, Ariocca imamanta mandashpa quillcashcata Danielman huillarca.

SAN MATEO 12:45

Chaimantami paita yalli ashtahuan millai caishuc canchis supaicunata pushashpa, chai runapica causangapac shamun. Chaimantami chai runaca ñaupa causacushcatapish yalli ashtahuan millai tucun. Shinallatacmi cunan punzhapi causac millai gentecunapish tucunga— nirca.

SAN MATEO 4:10

Shina nicpimi Jesusca: —¡Anchuri caimanta Satanás! Dios quillcachishcapica: “Canta Mandac Diosllata alli ningui, paillata servingui” ninmi— nirca.

MARCOS 6:25

Chai soltera mandac Herodespacman utca rishpaca: —Cunanllatac Bautizac Juanpac umata shuc platopi cui— nirca.

SAN LUCAS 22:3

Chashna cacpimi, Jesuspac chunga ishcai yachacuccunapuramanta Judas Iscariotepac shungupi Satanasca yaicurca.

SAN JUAN 13:2

Jesús manarac paipac yachacuccunahuan micungapac tiyaricpimi, diabloca Simonpac churi Judas Iscariotepac shungupi Jesusta japichina yuyaita churashca carca.

SAN JUAN 13:28

Imamanta Jesús chashna nishcataca, chai mizapi tiyacuccunaca pipish mana entendircachu.

SAN JUAN 6:70

Shina nicpimi Jesusca: —¿Manachu cancunataca chunga ishcaita acllarcani? Shina cacpipish, cancunapuramanta shucca diablohuanmi— nirca.

HECHOS 5:3

Chaimantami Pedroca Ananiastaca: —Ananías, ¿ima nishpatac Satanasta cambac shungupi yaicuchun saquishpa, Diospac Espirituman llullashpa, allpa catushca cullquita mana tucui apamungui?