SAN JUAN 11:4 - Dios Rimashcata Quillcashcami

⁴ Jesús chaita uyashpaca: —Chai ungüica mana huañuchic ungüichu, ashtahuanpish Diostapish, paipac Churi ñucatapish jatunyachingapacmi— nirca.

Nuevo Testamento en Quichua Cañar 1996

⁴ Jesús chaita uyashpaca: —Chai ung:uica mana huañuchic ung:uichu, ashtahuanpish Taita Diospish, paipac Churi ñucapish tucui imatapish ruhuaclla cashcataca ricuchingapacmi chai ung:uica— nirca.

SAN JUAN 11:4 Iomraidhean Croise

ÉXODO 16:7

Tutamantaca Mandac Diospac podertami ricunguichic. Mandac Diosca cancuna rimarishcataca uyashcami. Cancunaca ñucanchic pi cashcata mana yachashpami, chashna rimaricunguichic— nirca.

SAN JUAN 10:38

Ñucaca ñuca Taita mandashcallatami ruhuani. Ñucata mana crishpapish, ñuca ruhuashcacunata crichicyari. Chashna crishpami, ñuca Taitaca ñucahuan, ñucaca paihuan cashcata alli yachanguichic— nirca.

SAN JUAN 11:40

Shina nicpimi Jesusca: —¿Manachu ñucaca: “Crishpaca, Dios imatapish ruhuaclla cashcata ricunguimi” nircani?— nirca.

SAN JUAN 12:28

¡Taitalla, cambac shutita jatunyachiyari!— nirca. Shina nicpi, jahua pachamantaca: «Ña jatunyachircanimi. Cutinpish ricuchishami» nishcami uyarirca.

SAN JUAN 17:1

Chaicunata nishca quipa Jesús jahua pachata huichailla ricushpaca: —Ñuca Taitalla, ñucata japichina pachaca ñami chayamushca. Chaimanta cambac Churi canta jatunyachichun, cambac Churitapish jatunyachiyari.

SAN JUAN 17:10

Tucui cambac cashcacunaca ñucapacmi, ñucapac cashcacunaca cambacmi. Paicunamantami jatunyachishca cani.

SAN JUAN 17:5

Cunanca ñuca Taitalla, cai pacha manarac tiyacpi, ima shinami cambac ladopi jatunyachishca carcani, Chashnallatac cunanpish jatunyachiyari.

SAN JUAN 2:11

Galilea llacta Caná pueblopimi Jesusca milagrota ruhuai callarirca. Chaipimi paica poderyuc cashcata ricuchirca. Chashna ruhuacpimi, paipac yachacuccunaca Diosmanta shamushca cashcata crircacuna.

SAN JUAN 5:23

Chaica, maijanpish Taitata alli nic shinallatac Churita alli nichunmi chashnaca churarca. Maijanpish Churita mana alli nicca, ñucata cachac Taitami mana alli nin.

SAN JUAN 8:54

Shina nicpimi, Jesusca: —Ñucallata “allimi cani” nirishpaca, chaica yangami canman. Ñucata alli nicca, ñuca Taitami. Paillatatacmi cancunaca “ñucanchic Dios” ninguichic.

SAN JUAN 9:24

Shina nicpimi, cutin alliyashca runata mandac israelcuna cayashpaca: —Diospac shutipi huillai. Ñucanchicca chai Jesús runataca juchayuc cashcatami yachanchic— nirca.

SAN JUAN 9:3

Chaimantami Jesusca: —Mana paipac juchamantachu, shinallatac mana taita mamapac juchamantachu chashnaca tucushca, ashtahuanpish Dios munashcata cai runapi ricuchingapacmi, chashnaca huacharirca.

ROMANOS 11:11

Ñucaca: ¿Israelcuna urmashpaca, huiñaitachu chingarishca canga? ¡Mana chashnachu! Ashtahuanpish israelcuna mana cazushcamantami Diosca mana israelcunata quishpichirca. Israelcuna envidiachunmi chashnaca ruhuarca.

FILIPENSES 1:11

Cancuna Jesucristollamanta alli grano pucuc shina allita ruhuacpimi, Diostaca “allimari cangui, sumacmari cangui” ningacuna.

FILIPENSES 1:20

Imamanta mana pingaichishca canatami, ñuca tucui shunguhuan munani. Shinallatac ñuca causaipi ima ruhuashcacunahuan, ñuca huañushca quipapish Cristoca tucuipac alli nishca cachunmi munani. Chaimantami cunanpish, tucui punzhacunapish paimanta mana manchashpa huillasha nini.

1 PEDRO 1:21

Paimantami cancunaca Diosta cringuichic. Diosmi Cristotaca huañushcacunapuramanta causachishpa sumacyachirca. Chaimantami cancunaca Diospi shunguta churashpa cringuichic.

1 PEDRO 4:11

Maijan imata huillashpapish, Dios nishca shina huillachun. Maijan shuccunaman ima allita ruhuashpapish, Dios imatapish ruhuaclla cashcahuan ruhuachun. Tucui imata ruhuashpapish, Apunchic Jesucristomanta Dios alli nishca cachun ruhuaichic. Paica huiñaita sumaimanami, imatapish ruhuaipacllami. Chashna cachun.

1 PEDRO 4:14

Cancunahuanca Diospac sumaimana Espiritumi causacun. Chaimanta Cristota caticushcamanta camishpa rimacpica, cancunamanca mai cushicuimi canga.