SAN JUAN 10:6 - Dios Rimashcata Quillcashcami

⁶ Cai chimbapurashca parlohuan Jesús yachachishpaca, imata nisha nishcataca mana entendircacunachu.

Nuevo Testamento en Quichua Cañar 1996

⁶ Cai chimbapurashca parlohuan Jesús huillacpica, imata nisha nishcataca mana entendircacunachu.

SAN JUAN 10:6 Iomraidhean Croise

SALMOS 106:7

Egiptopi Dios mancharinacunata ruhuashcataca ñucanchic ñaupa taitacunaca mana entendircachu. Dios yallita llaquic cashcataca mana yuyarircacunachu. Chaipac randica Puca Cucha patapica Diosta mana cazushpami cariyarcacuna.

SALMOS 82:5

Paicunaca imatapish mana yachanchu, imatapish mana entendinchu. Amsa purapimi purincuna. ¡Allpapish tucuimi cuyuricun!

PROVERBIOS 28:5

Millai runacunaca allita ruhuanataca mana entendincunachu. Ashtahuanpish Mandac Diosta mashcaccunaca tucuitami entendin.

ISAÍAS 56:11

Paicunaca micushpapish mana sacsac allcucuna shinami can. Michiccuna cashpapish imata mana entendinchu. Quiquin munashcata ruhuashpa, quiquinpacllata mashcashpa, munashcallata ruhuancuna.

DANIEL 12:10

Achcacunami tucui mapata anchuchishpa, yuranlla chuya canga. Cutin Diosta mana manchaccunaca chashnallatacmi Diosta mana manchashpa catingacuna. Paicunapuramanta shucllapish imata mana entendingachu. Ashtahuanpish alli yachaccunaca entendingami.

SAN MATEO 13:34

Jesusca tucui caicunataca, chimbapurashca parlocunallahuanmi yachachirca. Chashnaca,

SAN MATEO 13:51

Jesús paipac yachacuccunata tapushpaca: —¿Tucui caicunataca entendinguichicchu?— nirca. Shina nicpimi, paicunaca: —Ari— nirca.

MARCOS 4:34

Paicunamanca chimbapurashca parlocunallahuanmi imatapish yachachirca. Paipac yachacuccunallahuan cashpaca, ima nisha nishcatapish tucuimi entendichirca.

SAN JUAN 16:25

Tucui caicunataca chimbapurashpallami parlarcani. Ña mana ashtahuan chimbapurashpa parlana punzha chayamucpica, ñuca Taita ima shina cashcatatacmi huillasha.

SAN JUAN 16:29

Shina nicpimi yachacuccunaca: —Cunanmi entendinallatac parlacungui, ashtahuanpish ña mana chimbapurashpachu parlacungui.

SAN JUAN 6:52

Chaimanta israelcuna paicunapura rimanacushpaca: —¿Ima shinatac paipac quiquin aichataca carangayari?— ninacurca.

SAN JUAN 6:60

Jesús chashna yachachishcata tauca paita caticcuna uyashpaca: —Cai yachachishcacunaca sinchimi. ¿Pitac caitaca entendingayari?— ninacurca.

SAN JUAN 7:36

Pai: “Ñucata mashcashpapish mana taringuichic. Ñuca maipi cashcamanca mana chayai pudinguichicchu” nishpaca, ¿imatatac nisha nin?— ninacurca.

SAN JUAN 8:27

Paicunaca Diosmanta Jesús huillacushcata mana entendircachu.

SAN JUAN 8:43

¿Ima nishpatac ñuca rimashcataca mana entendinguichic? Ñuca rimashcata mana uyashun nishpami, mana entendinguichic.

1 CORINTIOS 2:14

Diospac Espirituta mana charicca Espíritu cushcacunataca mana chasquisha ninchu. Chaicunaca paimanca pucllashca shinami. Shinallatac imata nisha nicushcatapish mana entendinchu. Chaitaca Diospac Espíritu yuyachicllapimi, yachac chayancuna.

2 PEDRO 2:22

Ashtahuanpish paicuna chashna tucucpica: «Allcupish pai ungushcallatatacmi cutin tigrachishpa micun. Cuchipish armarishca quipaca, cutinmi turupi singun» nishcaca pactashca.

1 JUAN 5:20

Diospac Churi shamushpa ñucanchicman yuyaita cushpami, cashcata nic Diostaca ricsichirca. Chaimantami cashcata nic-huan shuclla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.