SAN JUAN 10:36 - Dios Rimashcata Quillcashcami

³⁶ Diosca chicanyachishpami, ñucataca cai pachaman cacharca. ¿Chashna cashca jahuachu ñucataca: “Diospac Churimi cani” nishpaca, “Diostami piñachicun” ninguichic?

Nuevo Testamento en Quichua Cañar 1996

³⁶ Ashtahuanpish Taita Diosca ch'icanyachishpami, ñucataca cai pachaman cacharca. ¿Chashna cashca jahuachu ñucataca ‘Diospac Churimi cani’ nishcamanta cancunaca ‘Taita Diostami p'iñachicun’ ninguichic?

SAN JUAN 10:36 Iomraidhean Croise

SALMOS 2:2

Cai pacha jatun mandaccunapish, quipa mandaccunapish tandanacushpami Mandac Diostapish, aceitehuan cahuishca jatun mandactapish, mana cazushpa piñancuna.

ISAÍAS 42:1

Mandac Diosca: «Ñuca acllashca, ñucata servic runataca ñucami cuidasha. Paimi ñucataca cushichin. Paipimi ñuca Espiritutaca churarcani. Paimi jatun llactacunapica cashcata ruhuanamanta huillanga.

ISAÍAS 42:3

Chictarishca carrizotapish mana paquingachu. Huañugricuc lamparatapish mana huañuchingachu. Imatapish cashcatami ruhuanga.

ISAÍAS 55:4

Ñucami paitaca gentecunaman huillachun, llactacunata mandac cachun churarcani.

JEREMÍAS 1:5

«Cantaca mamapac huicsapi manarac tiyacpimi, ña ricsircani. Manarac huacharicpimi, ñucapaclla cachun chicanyachishpa, llactacunapi ñuca ima nishcata huillachun churarcani» nirca.

SAN MATEO 27:43

Paica: “Diospac Churimi cani” nishpami, Dios yuyailla puricurca. Shina cacpica, Dios cuyashpaca quishpichinmanmi» nircacuna.

SAN MATEO 27:54

Patsac soldadocunata mandacpish, Jesusta cuidaccunapish allpa chucchucta, shuctac ima tucushcacunata ricushpaca yallita mancharishpami: —Cai runaca Diospac Churitacmi cashca— nircacuna.

SAN LUCAS 1:35

Chashna nicpimi angelca: —Diospac Espiritumi shamunga. Jahua pacha Diospac podermi cantaca llandunga. Chaimantami jucha illac huahua huacharinga. Diospac Churi nishcapishmi canga.

SAN JUAN 10:35

Dios quillcachishcataca mana llullanchu. Chaitaca yachanguichicmi. Diosca pai rimashcata uyaccunataca “cancunami dioscuna canguichic” nircami.

SAN JUAN 17:18

Ima shinami cai pacha gentecunapacman cacharcangui, chashnallatacmi paicunatapish cai pacha gentecunapacman cachacuni.

SAN JUAN 17:21

Taitalla, ima shinami ñucaca canhuan, canca ñucahuan shuc shinalla canchic, chai shinallatac paicunapish ñucanchic-huan shuc shinalla cachunmi mañani. Cai pachapi causaccuna can ñucata cachashcata crichunmi, chashna mañani.

SAN JUAN 17:8

Can huillachun nishcata huillarcani. Paicuna chasquishpami, ñucataca Dios cachashcata yachac chayashpa crincuna.

SAN JUAN 19:7

Shina nicpimi israelcunaca: —Pai ‘Diospac Churimi cani’ nishcamantaca, ñucanchicta mandashcapi nishca shinaca, huañunami can— nirca.

SAN JUAN 20:28

Chashna nicpimi Tomasca: —¡Ñucata Mandac Apunchic Jesuslla, ñuca Dioslla!— nirca.

SAN JUAN 20:31

Chashna cacpipish cancuna Jesusta Quishpichic Cristo cashcatapish, Diospac Churi cashcatapish crichun, shinallatac paita crishpa huiñai causaita charichunmi, caicunataca quillcani.

SAN JUAN 3:17

Diosca mana cai pachapi causaccunata llaquiman cachachunchu paipac churitaca cacharcachu, ashtahuanpish cai pachapi causaccunata quishpichichunmi cacharca.

SAN JUAN 3:34

Dios cachashcami, Dios rimashcata riman. Diosca yallitami paipac Espirituta cushca.

SAN JUAN 5:30

Ñuca munaimantaca imata mana ruhuai pudinichu. Ñucata cachac Taita nishcata uyashpami taripani. Mana ñuca quiquin munaimanta, ashtahuanpish ñuca Taita munaimantami juchanchini. Chaimantami cashcata ruhuashpa juchanchini.

SAN JUAN 6:27

Cancunaca ama chingariclla micunata mashcaichicchu, ashtahuanpish huiñai causaita cuc micunata mashcaichic. Chai micunataca Runa Tucungapac shamushca ñucallami cusha. Chaita cuchunmi Diosca ñucataca cacharca— nirca.

SAN JUAN 6:38

Mana ñuca munashcata ruhuangapacchu jahua pachamanta shamurcani, ashtahuanpish ñucata cachac Taita munashcata ruhuangapacmi shamurcani.

SAN JUAN 6:57

Ñucata cachac Taitaca causaiyucmi. Chaimantami ñucaca paimanta causani. Ñuca aichata micucca, ñucamantami causanga.

SAN JUAN 6:69

Ñucanchicca cantaca crishcanchicmi. Dios cachashca Jucha Illac cashcatapish yachanchicmi— nirca.

SAN JUAN 8:42

Shina nicpimi, Jesusca: —Dios cancunapac taita cacpica, cuyanguichicmanmi. Ñucaca Diosmantami shamurcani. Mana ñuca munaimantachu shamurcani, ashtahuanpish Diosmi cacharca.

ROMANOS 1:4

Diospac jucha illac Espiritumi poderhuan huañushcacunapuramanta causachirca. Chashnami Diospac Churi poderyuc cashcata ricuchirca.

ROMANOS 8:3

Runaca aichayuc cashcamantami Moisés mandashcacunataca maita mana pactachi pudirca. Chaimantami Diosca paipac shuclla Churita, runa shina aichayuc tucushpa, runacunapac juchacunamanta llaquita huañuchun cacharca. Chai shina ruhuashpami, gentecunapi tiyac juchataca tucui chingachirca.

ROMANOS 9:5

Paicunaca ñucanchic ñaupa taitacunapac huahua huahuacunami. Paicunapuramantami Cristoca runa tucurca. Paitaca tucuita Mandac Dios cashcamantami huiñai huiñaita alli nina canchic.

GÁLATAS 4:4

Shina cacpipish cachana punzha pactacpimi, Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.