SAN JUAN 10:28 - Dios Rimashcata Quillcashcami

²⁸ Ñucaca huiñai causaitami paicunamanca cuni. Paicunaca mana chingaringachu, pipish ñuca maquimantaca mana quichungachu.

Nuevo Testamento en Quichua Cañar 1996

²⁸ Ñucaca huiñai causaitami paicunamanca cuni. Paicunaca mana chingaringachu, shinallatac pipish ñuca maquimantaca mana quichungachu.

SAN JUAN 10:28 Iomraidhean Croise

JOB 17:9

Ashtahuanpish cashcata ruhuac runaca, cashcata ruhuashpa caticungallami. Ima mana allita ruhuac chuya maqui runaca ashtahuanmi sinchi tucunga.

SALMOS 31:5

Cambac maquipimi ñuca espirituta mingani. Cashcata nic, ñucata Mandac Dioslla, canmi quishpichircangui.

SALMOS 37:28

Mandac Diosca imatapish allita ruhuactaca cuyanmi. Paita caticcunataca mana shitashpa saquingachu. Tucui causaipimi huacaichinga. Ashtahuanpish paita mana manchaccunapac huahuacunataca tucuchingami.

PROVERBIOS 24:16

Chaica, cashcata ruhuac runaca canchis cutin urmashpapish jataringallami. Ashtahuanpish Diosta mana manchaccunaca jatun llaquipimi urmanga.

PROVERBIOS 4:18

Ashtahuanpish cashcata ruhuaccunapac ñanca achicyamucucmanta chaupi punzhacaman achicyacuc luz shinami.

ISAÍAS 27:3

Chai chagrataca Mandac Dios ñucami cuidashpa, yacutapish punzhanta churasha. Pipish ama yaicushpa dañachunmi punzhapish, tutapish cuidasha.

ISAÍAS 45:17

Ashtahuanpish israelcunaca Mandac Dios quishpichicpimi, huiñaita causanga. Chashnami huiñaita mana pingaichishca, mana cumurichishca canga» ninimi.

ISAÍAS 54:17

Canta llaquichingapac ruhuashca ima macanacunapish cantaca mana mishangachu. Canta llaquichingapac juchanchictapish, canracmi llaquipi churangui. Mandac Dios ñucata serviccuna japinaca chaimi canga. Ñucallatacmi quishpichisha» nini. Chaitaca Mandac Dios ñucami nini.

ISAÍAS 55:3

Cancunapac ringrihuan uyashpa, ñucapacman cuchuyaichic. Chashna ruhuacpica, cancunapac almaca causangami. Davidhuan ari nishca shinami, cancunahuanpish huiñai huiñaita ari nisha.

JEREMÍAS 23:4

Paicunata michichunca michiccunatami churasha. Shina churacpica, mana manchangacunachu, mana chucchungacunachu. Imapish mana illangachu.

JEREMÍAS 31:3

Ñuca utca huatacunapi ricurishpaca: “Cantaca jaicapi mana tucuri cuyaihuanmi cuyani. Chaimantami ashtahuan llaquini.

JEREMÍAS 31:34

Paicunapurapish, huauquicunapurapish: “Mandac Diosta ricsichic” nishpaca, ña mana yachachingachu. Ñucataca uchillamanta callarishpa, yuyaccunacamanmi ricsinga. Paicunapac mana allita ruhuashcataca perdonashami. Paicunapac juchataca mana ashtahuan yuyarishachu» ninmi.

JEREMÍAS 32:40

Paicunaman allita ruhuangapacmi paicunahuanca huiñai causaicaman ari ninacusha. Ñucamanta ama anchurichunmi, ñucata manchana yuyaita paicunapac shungupi churasha.

MARCOS 13:22

Chai llulla cristocuna, llullac huillaccunami ricuringa. Chaicunaca pandachingapacmi milagrocunatapish, pi mana ricushcacunatapish ruhuashpa ricuchinga. Chashnami Dios acllashcacunatapish pandachisha ninga.

SAN LUCAS 23:46

Jesús sinchita caparishpaca: —Taitalla, cambac maquipimi ñuca espirituta mingani— nirca. Shina nishpaca huañurcallami.

SAN JUAN 10:29

Paicunata ñucaman cuc Taitaca tucuimanta yallimi. Paipac maquimantaca pi mana quichungachu.

SAN JUAN 11:25

Shina nicpimi Jesusca: —Ñucami causaita cucpish, huañushcacunata causachicpish cani. Ñucata cricca huañushpapish causaringami.

SAN JUAN 14:19

Cai pachapi causaccunaca asha punzhacuna quipaca mana ñucata ricungachu. Shina cacpipish cancunaca ricunguichicmi. Chaica, ñucaca causacunimi, cancunapish causacunguichicmi. Chaimantami ricucunguichic.

SAN JUAN 17:2

Canca ñucaman cushcacunaman huiñai causaita cuchunmi, tucui gentecunata ñuca maquipi churarcangui.

SAN JUAN 18:9

Jesusca utcaman: “Taitalla, can cushcacunataca shucllapish mana chingarircachu” nishca pactachunmi, chashnaca nirca.

SAN JUAN 3:36

Maijanpish paita cricca huiñai causaitami charin. Maijanpish paita mana cricca mana huiñai causaita charinchu, ashtahuanpish paitaca Diosca piñacungallami.

SAN JUAN 4:14

Ashtahuanpish maijanpish ñuca cushca yacuta ubiacca, jaicapi mana yacunayachingachu. Ñuca cushca yacuca paipica huiñai causaita cuc, tucyacuc yacu shinami canga— nirca.

SAN JUAN 5:24

Maijanpish ñuca nishcata uyashpa, ñucata cachac Taitata cricca, huiñai causaita charinmi. Paica huañushcamanta causaiman pasashcamantami, llaquimanca mana ringa. Chaica chashnatacmi can.

SAN JUAN 6:27

Cancunaca ama chingariclla micunata mashcaichicchu, ashtahuanpish huiñai causaita cuc micunata mashcaichic. Chai micunataca Runa Tucungapac shamushca ñucallami cusha. Chaita cuchunmi Diosca ñucataca cacharca— nirca.

SAN JUAN 6:37

Tucui ñuca Taita cushcacunami ñucapacman shamun. Chai shamuccunataca manatac cutichishpa cachashachu.

SAN JUAN 6:47

Maijanpish ñucata cricca, huiñai causaitami charin. Chaica chashnatacmi can.

SAN JUAN 6:68

Shina nicpimi, Simón Pedroca: —Apunchic Jesús, ¿pipacmantac rishunyari? Cambac rimashca shimicunaca, huiñai causaita cucmi.

HECHOS 7:59

Chashna rumicunahuan shitacucpimi, Estebanca: «Apunchic Jesús, ñuca almata pushaiyari» nishpa mañarca.

ROMANOS 5:17

Shuc runa juchallishcamanta tucui gentecuna huañuna cacpica, Dios cuyashpa, cushcamanta Dios-huan alli tucushcacunacarin Jesucristollamantami mushuc causaita japinga.

ROMANOS 5:2

Shinallatac Apunchic Jesucristota crishcallamantami Dios cuyashca, cushilla causacunchic. Shinami Diospac sumaimana mandanata cushicushpa shuyacunchic.

ROMANOS 5:21

Ima shinami juchaca cai pachaman yaicushpa tucuita huañuiman aparca, chai shinallatacmi Diosca cuyashpa, Apunchic Jesucristomanta chasquishpa, huiñai causaita cunga.

ROMANOS 5:9

Apunchic Jesucristo huañushcamanta, Dios chashquishca cashpaca, Dios piñarishpa, llaquichicui punzhapica quishpirishcami cashun.

ROMANOS 6:23

Juchamanta japinaca, huañuimi. Ashtahuanpish Diosca Apunchic Jesucristomantami huiñai causaita yanga cun.

ROMANOS 8:1

Cunanca Jesucristohuan shuc shinalla caccunamanca, ña mana jatun llaquica tiyangachu.

ROMANOS 8:29

Diosca, ñaupaman ricsishcacunataca paipac Churi shina cachunmi acllarca. Chashnami achca criccunamanta punta cachun chicanyachirca.

DEUTERONOMIO 33:3

Pai acllashcacunataca cuyacunmi. Paipaclla cachun chicanyachishcacunataca cuidacunmi. Paicunaca can munashca shinami mandashcacunatapish cazurca.

FILIPENSES 1:6

Cancunapi callarimanta pacha allita ruhuac Diosca Jesucristo cutimuna punzhacaman, chai allita ruhuashpa catina cashcatami yachani.

2 TESALONICENSES 2:13

Apunchic Jesús cuyashca criccuna, ñucanchicca cancunata yuyarishpaca, punzhantami Diostaca pagui nicunchiclla. Diospac Espíritu Diospacllata ruhuashcamanta, shinallatac cashcata nic huillashcata crishcamantami, cancuna quishpirichun callarimanta pacha Diosca acllarca.

1 TIMOTEO 1:16

Jesucristo llaquic cashcata ricuchunmi, yallita ñuca juchayuc cacpipish, Diosca ñucata llaquirca. Chashnami maijanpish Jesusta crishpa huiñai causaita japina cashcata ricuchingapac ñucataca acllarca.

2 TIMOTEO 1:12

Chashna huillac cashcamantami tucui cai llaquicunataca apacuni. Ashtahuanpish ñuca pita crishcatapish, ñucaman mingashcatapish, shamuc punzhacaman huacaichina cashcatapish allimi yachani. Chaimantaca manatac pinganichu.

HEBREOS 7:25

Paimanta Diospacman cuchuyaccunataca, huiñai huiñaipacmi quishpichin. Paica huiñaitami causacun, chashnami huiñaita mañacun.

1 PEDRO 1:5

Cancuna Diosta crishcamantami, cancunaman allichishca quishpirinata japingacaman, pai imatapish ruhuaclla cashcahuan cancunataca huacaichishpa, paipac maquipi charicun. Chai quishpirinataca tucuri punzhapimi ricuchinga.

1 JUAN 1:2

Causaita cuctaca Dios cachacpimi ricurcanchic. Chaita ricushpami paimanta cancunaman parlanchic, shinallatac huiñai causaita cuc cashcata huillanchic. Paica Dios-huanmi carca. Chaimanta shamushpami, ñucanchicman ricurirca.

1 JUAN 2:19

Chaicunaca ñucanchicpuramanta llucshishca cashpapish, mana ñucanchicpuratachu carcacuna. Ñucanchicpura cashca cashpaca, ñucanchicmantaca mana llucshinmanchu carcacuna. Chaicunaca mana ñucanchicpura cashcata ricuchunmi, chashnaca llucshirca.

1 JUAN 2:25

Jesucristo ñucanchicman cusha nishcaca, huiñai causaimi can.

1 JUAN 5:11

Cai huillashcahuanmi Diosca huiñai causaita cushca. Chai huiñai causaitaca paipac Churillamantami charinchic.

SAN JUDAS 1:1

Jesucristopacta ruhuac, Santiagopac huauqui Judasmi, Dios cuyashpa cayashcacunata “allillachu canguichic” nishpa caita quillcashpa cachani. Cancunataca ima millaimantapish Jesucristomi huacaichicun.

SAN JUDAS 1:21

Cancunata Dios cuyacushcamantaca ama anchurichicchu. Shinallatac ñucanchic Apunchic Jesucristo llaquishpa, ñucanchicman huiñai causaita cuna punzhata shuyacuichiclla.

SAN JUDAS 1:24

¡Ñucanchicta Quishpichic shuclla Diostaca “allimari cangui” nishunchic! Paimi paipac poderhuan, cancuna ima millaipi ama urmashpa, paipac sumaimana ñaupapi cushilla ricurichun huacaichicun.

1 SAMUEL 2:9

Paimi paihuan causaccunataca maita purinapipish huacaichin. Ashtahuanpish paita mana manchaccunaca pura tutapimi chingaricun. Pipish paipac fuerzallahuanca imatapish mana ruhuai pudingachu.