SAN JUAN 1:39 - Dios Rimashcata Quillcashcami

³⁹ Shina nicpimi Jesusca: —Ricungapac shamuichic— nirca. Chashna rishpami, pai maipi causacta ricurcacuna. Ña chuscu horas chishi shinamantaca tutacamanmi chaipi paihuan carcacuna.

Nuevo Testamento en Quichua Cañar 1996

³⁹ Shina nicpi Jesusca: —Shamuichic, ricunguichic— nirca. Chashna rishpami, pai maipi causacta ricurcacuna. Ña chuscu horas chishi shinamantaca tutacamanmi chaipi paihuan saquirircacuna.

SAN JUAN 1:39 Iomraidhean Croise

PROVERBIOS 8:17

Ñucata cuyaccunataca cuyanimi. Ñucata mashcaccunaca tarinmi.

SAN LUCAS 24:29

Chaimantami paicunaca mana cachashun nishpa: —Ñami chishi, shinallatac tutayacun. Caillapi ñucanchic-huan saquiri— nirca. Chaimantami Jesusca paicunahuan saquirishpa, samaringapac yaicurca.

SAN JUAN 1:38

Jesús chashna caticta tigrarishpa ricushpaca: —¿Imatatac mashcacunguichic?— nirca. Shina nicpimi paicunaca: —Rabí, ¿maipitac causangui?— nirca. («Rabí» nishpaca, «Yachachic» nisha ninmi).

SAN JUAN 1:40

Juan rimashcata uyashpa, Jesusta catishpa ric chai ishcai yachacuccunaca, shucca Simón Pedropac huauqui Andresmi carca.

SAN JUAN 1:46

Shina nicpimi Natanaelca: —Nazaret pueblomantaca, ¿ima allitac llucshingachu?— nirca. Shina nicpimi Felipeca: —Canllatac shamui, ricungui— nirca.

SAN JUAN 4:40

Chaimantami gentecuna Jesuspacman shamushpa chaipi saquirichun mañarca. Shina mañacpimi, Jesusca ishcai punzhata chaipi saquirirca.

SAN JUAN 6:37

Tucui ñuca Taita cushcacunami ñucapacman shamun. Chai shamuccunataca manatac cutichishpa cachashachu.

APOCALIPSIS 3:20

Ñucaca huasiyuc nishpami pungupi huactashpa shayacuni. Maijanpish ñuca rimashcata uyashpa punguta pascacpica, paipacman yaicushpa paihuan micushami, paipish ñucahuan micungami.