SAN JUAN 1:31 - Dios Rimashcata Quillcashcami

³¹ Ñucapish chai shamuc pai cashcataca mana yacharcanichu. Chaimantami israelcuna utca pai cashcata yachachun, yacuhuan bautizarcani» nirca.

Nuevo Testamento en Quichua Cañar 1996

³¹ Ñucallatacpish chai shamucca pai cashcataca mana yacharcanichu. Shina cashpapish israelcuna*f** utca pai shamuna cashcata yachachunmi, yacuhuan bautizacurcani— nirca.

SAN JUAN 1:31 Iomraidhean Croise

MALAQUÍAS 3:1

Tucuita Mandac Diosca: «Ñuca huillactami ñaupachishpa cachasha. Paimi purina ñantaca ñaupashpa allichinga. Chai quipaca cancuna mashcacushca Mandacmi cungailla paipaclla huasiman shamunga. Cancuna shuyacushca ari nishcata pactachic angelpish shamungami. ¡Riquichic, ñami shamucun!» ninmi. Chaitaca Mandac Diosmi nin.

SAN MATEO 3:13

Jesusca Juan bautizachunmi, Galilea llactamanta Jordán yacuman rirca.

SAN MATEO 3:6

Paicunataca llaquirishpa juchacunata huillacpimi, Juanca bautizac carca.

SAN LUCAS 1:17

Juanca Quishpichicpac ñaupatami ringa. Huillac Elías shinami, Diospac Espirituhuan, poderhuan ringa. Paimi taitacunahuan, huahuacunahuan piñanacushcatapish alli allichinga. Mana cazuccunatapish cashcata ruhuanata yachachishpami, yuyaita cunga. Chashnami Quishpichic shamucpica, alli chasquina yuyaita charinga— nirca.

SAN JUAN 1:30

Paimantami ñucaca: “Ñucapac quipa shamucca ñuca manarac tiyacpimi ña tiyarca. Pai ñucata atishpa poderyucmi” nircani.

SAN JUAN 1:32

Cutinllatac Juanca: «Diospac Espíritu jahuamanta paloma shina shamushpa, paipi tiyarictami ricurcani.

SAN JUAN 1:33

Chashna ricushpapish, shamuc pai cashcataca mana yacharcanichu. Ashtahuanpish yacuhuan bautizachun cachac Diosca: “Maijanpi ñuca Espíritu shamushpa tiyaricta ricungui, chaimi ñuca Espirituhuanca bautizanga” nirca.

SAN JUAN 1:7

Paimi tucui gentecuna crichun, Achicyachicmanta huillangapac shamurca.

HECHOS 19:4

Shina nicpimi Pabloca: —Juanca Diosman cuti richun nishpami: “Ñucapac quipa shamucta cringuichic” nishpa bautizarca. Chai shamucca Quishpichic Cristomi— nirca.