JOSUÉ 9:14 - Dios Rimashcata Quillcashcami

¹⁴ Israelcunaca chai runacuna apamushca micunata chasquircami. Ashtahuanpish Mandac Diosmanca mana tapurcachu.

JOSUÉ 9:14 Iomraidhean Croise

2 SAMUEL 2:1

Chai quipami, Davidca Mandac Diostaca: —¿Judá llacta maijan pueblocunaman huichai rinachu cani?— nishpa tapurca. Shina tapucpi Mandac Diosca: —Huichai rilla— nirca. Shina nicpimi Davidca: —¿Maimantac huichai rina cani?— nirca. Shina nicpimi Mandac Diosca: —Hebrón pueblomanmi rina cangui— nirca.

2 SAMUEL 5:19

Chaimantami David Mandac Diosta tapushpaca: —¿Filisteocunahuan macanacungapac huichai rinachu cani? ¿Paicunata ñuca maquipi churanguichu?— nirca. Shina nicpimi Mandac Diosca: —Macanacugrilla, paicunataca cambac maquipimi churasha— nirca.

ESDRAS 8:21

Chai quipaca Ahava jatun yacu ladopi cashpami ñucanchictapish, ñucanchic huahuacunatapish, ñucanchic ima charishcacunatapish, ñanpi alli pushachun nishpa mana micushpa, llaquirishpa ñucanchic Diosta mañangapac yuyarircani.

ÉXODO 28:30

Allita ricushpa, mandacucta ricuchic pectoralpica Urimta, Tumimta churangui. Chashnami ñucapac ñaupaman Aarón yaicushpaca, paipac pechopi charinga. Chashnami Aaronca pechopi israelcunapac shuticunata apashpa, ñucapac ñaupapi punzhanta canga.

NÚMEROS 27:21

Josué imata ruhuangapacca Eleazar curapacmanmi ringa. Paimi Urim nishcahuan suerteta ruhuashpa, ñucaman tapunga. Josué israelcunata macanacungapac llucshichun nicpica llucshingacunami. Shinallatac cutichun nicpica, cutingacunami— nirca.

SANTIAGO 1:5

Cancunapuramanta maijanpish yachaita mana charishpaca, Diosta mañaichic, paica cungallami. Diosca pimanpish mana misarishpami, tucui mañaccunamanca achcata cunga.

JOSUÉ 9:13

Shinallatac vino churana capachupish ñucanchic vinota churacucpica, mushucmi carca. Riquichic, cunanca payayashpami ña lliquirishca. Cai ñucanchic churanacunapish, ushutacunapish yalli caruta purishcamantami payayashca— nircacuna.

JUECES 1:1

Josué huañushca quipami, israelcunaca Mandac Diostaca: —¿Ñucanchicpuramanta cananeocunahuan macanacungapacca maijanta puntaca rina canchic?— nishpa tapurcacuna.

JUECES 20:18

Chai quipaca, israelcuna jatarishpa, huichai rishpami Mandac Diostaca: —¿Ñucanchicpuramantaca maijan aillutac Benjamín aillucunahuan macanacungapac punta rigrin?— nishpa tapurca. Shina tapucpi Mandac Diosca: —Judá ailluracmi ringa— nirca.

JUECES 20:28

Chai punzha Fineasca Eliazarpac churi Aaronpac nietomi Mandac Diosta servic cura carca). Chaipimi israelcuna Mandac Diostaca: —¿Cutinllatac ñucanchic huauqui Benjamín aillucunahuan macanacugrishunchu? ¿Mana cashpaca ña saquishunllachu?— nishpa tapurca. Shina nicpimi, Mandac Diosca: —Macanacugrichiclla, cayami paicunataca cancunapac maquipi churasha— nirca.

1 SAMUEL 22:10

Chaipimi Ahimelecca David ima ruhuanata Mandac Diosman tapurca. Chai quipaca micunacunatapish, filisteopura Goliatpac espadatapish curca— nirca.