JOSUÉ 9:11 - Dios Rimashcata Quillcashcami

¹¹ Chaimantami ñucanchicta pushac yuyaccunapish, ñucanchic llactapi tucui causaccunapish ñucanchicta rimashpaca: “Ñanpi micungapac cucayuta apashpa, paicunata tupangapac richic. Paicunapacman chayashpaca: ‘Ñucanchicca cancunata serviccunami canchic. Ñucanchic-huan imatapish pactachingapac ari niyari’ ninguichic” nirca.

JOSUÉ 9:11 Iomraidhean Croise

GÉNESIS 43:12

Cullquitaca cutimushca cullquimanta chaupihuan yallita apaichic. Tulu shimipi cutishca cullquica pacta pandarishca canman. Chaita cutichingapac apaichic.

2 REYES 10:5

Chaimantami mayordomopish, chai pueblota mandacpish, pushac yuyaccunapish, Acabpac churicunata yachachiccunapish Jehupacman cachashpaca: «Ñucanchicca canta serviccunami canchic. Chaimanta can imata mandashcatami ruhuashun. Pitapish jatun mandac cachunca mana churashunchu. Cambac ima alli cana cacpica ruhuailla» nichunmi cacharca.

ESTER 8:17

Cada llactapi, cada pueblopi jatun mandac mandashca chayacpica, Judá gentecunaca yallita cushicushpami jatun micuita ruhuashpa fiestata ruhuarcacuna. Cai llactapi causac shuctac gentecunapish Judá gentecunata manchashpami Judá gentecunapura tucurcacuna.

SAN LUCAS 9:3

Paicunata cachashpaca: —Ama imata apanguichicchu. Cucayutapish, taunatapish, cullquitapish ama aparinguichicchu. Yanandi churanatapish ama apanguichicchu.

JOSUÉ 1:11

«Carpa huasicunaman rishpaca: “Quimsa punzha quipaca ñucanchicta Mandac Dios cusha nishca llactaman yaicungapacmi Jordán yacuta pasagrinchic. Chaimanta micunata allichichic” nigrichic» nirca.

JOSUÉ 9:10

Shinallatac Jordán yacumanta chimba ladopi causac amorreocunata ishcai jatun mandaccunata imata ruhuashcatapish uyarcanchicmi. Chai mandaccunaca Astarot llactapi Hesbón pueblota mandac Sehón, shinallatac Basán pueblota jatun mandac Ogmi carca.

JOSUÉ 9:12

Cancunahuan tupangapac huasimanta llucshimui punzhapica cai ñucanchic ñanpi micuna cucayuca cunucllaracmi carca. Riquichic, cunanca ña chaquishpa verdiyashcami.

JOSUÉ 9:8

Shina nicpimi, paicunaca Josuetaca: —Ñucanchicca canta serviccunami canchic— nirca. Shina nicpimi Josueca: —Cancunaca, ¿picunatac canguichic? ¿Maimantatac shamunguichic?— nishpa tapurca.