JOSUÉ 8:4 - Dios Rimashcata Quillcashcami

⁴ Paicunataca: «Riquichic, puebloman cungailla yaicungapac chai pueblo huashaman rishpa maijancunata churanguichic, ama caruyanguichicchu, allichirishpa shuyanguichic.

JOSUÉ 8:4 Iomraidhean Croise

2 REYES 7:12

Chashna huillacpimi, jatun mandacca tuta jatarishpa, paita serviccunataca: —Siriocuna ñucanchicta imata ruhuagricushcatami huillagrini. Ñucanchic yarcaihuan cacta yachashpami paicunaca: “Pueblomanta llucshicpica, causacta prezushpami puebloman yaicushun” yuyashpami, paicunapac carpa huasicunamanta llucshishpa, miticungapac rishcacuna— nirca.

2 CRÓNICAS 13:13

Ashtahuanpish Jeroboamca huashata shamushpa Judá llacta soldadocunahuan macanacuchunmi, maijan paipac soldadocunataca pacalla ñaupa ladomanpish huasha ladomanpish churarca.

ECLESIASTÉS 7:19

Alli yachac runataca pai yachacushcami, shuc pueblopi causac chunga mandaccunatapish yalli sinchiyachinga.

ECLESIASTÉS 9:16

Chaimantami ñucaca: «Yallita sinchi canapac randica, alli yachac canami ashtahuan alli. Huaccha runataca alli yachac cacpipish, yangapi churashpami, pai alli yuyaita cushcataca mana uyanayachirca» nircani.

HECHOS 23:21

Chaitaca ama cringuichu. Chuscu chunga yalli runacunami pacalla chapagricuncuna. Paicunaca Pablota huañuchingacaman, imata mana micungapac, imata mana ubiangapacmi ari nishca. Mana chaita pactachicpica, Dios llaquichichun nishcacunami. Cunanca can imata nicllatami shuyacun— nirca.

JOSUÉ 8:16

Shina callpacpimi, tucui Hai pueblopi causaccunaca catingapac tandanacurca. Shina tandanacushpami Josueta catishpa, chai pueblomanta carucaman catirca.

JOSUÉ 8:3

Josueca macanacuc runacunahuanmi Hai pueblopi causaccunahuan macanacungapac llucshirca. Josueca quimsa chunga huaranga sinchi macanacuc runacunata acllashpami cacharca.

JUECES 20:29

Shina nicpimi, israelcunaca Gabaa pueblo muyundipi miticushpa chapaccunata churarca.

JUECES 20:33

Ña caruyacpimi, israelcunaca jatarishpa Baal-tamar pueblopi macanacurca. Cutin Gabaa pueblo muyundipi miticushpa chapacuc runacunapish macanacungapac llucshircami.

JUECES 20:36

Chaita ricushpami Benjamín aillucunaca: “¡Ñucanchictaca ña atincunami!” nirca. Israelcunaca Gabaa pueblo muyundipi pacalla chapac runacuna atingacunallami nishpami, Benjamín aillucunahuan macanacushca pushtumantaca caruyarca.

JUECES 9:25

Siquem pueblopi causaccunaca urcupi miticushpa, ñanta riccunata chapashpa huañuchic gentecunatami churarca. Abimelecca chaitaca chayac chayarcami.

JUECES 9:32

Chaimanta cunanca cambac soldadocunahuan tuta llucshishpa pambacunapi miticushpa pacalla chapagri.

1 SAMUEL 15:2

Tucui imatapish ruhuac Mandac Diosca: “Amalecitacuna israelcunata ima ruhuashcamantaca ñucami llaquichigrini. Paicunaca Egiptomanta huichai shamucucpimi, ñanpi jarcarcacuna.

1 SAMUEL 15:5

Chai quipami Saulca amalecitacunapac puebloman rishpa, chai pueblo lado pugru pambapi pacalla chapaccunata churarca.