JOSUÉ 8:22 - Dios Rimashcata Quillcashcami

²² Chashna cacpica, caishuc israelcuna Hai pueblomanta llucshishpami tupangapac shamurca. Chashna shamucpimi, Hai pueblopi causaccunaca israelcunapac chaupipi saquirirca. Shuccunaca caishuc ladomanta, chaishuccunaca chaishuc ladomanta shamushpami, chaupinchishpa shucllatapish mana saquishpa, tucui huañuchirca.

JOSUÉ 8:22 Iomraidhean Croise

JOB 20:5

Mana allita ruhuaccunapac cushicuica utcami tucurin, Diosta mana manchac runapac cushicuipish ashacamallami can.

DEUTERONOMIO 7:2

Mandac Dios chai llactapi causaccunata cancunapac maquipi churacpimi, tucuita tucuchinguichic. Paicunahuan ama ari ninacunguichicchu, paicunata ama llaquinguichicchu.

1 TESALONICENSES 5:3

Gentecunaca: «Cushillami sumacta causacunchic» nicucpica, jatun llaquica shuc huarmita sajuarina nanai japic shinami cungailla japinga. Chai llaquimantaca pipish mana quishpiringachu.

JOSUÉ 10:28

Josueca chai punzhallatami Maceda pueblota japishpa, chaipi causaccunatapish, chai pueblota jatun mandactapish espadahuan chugrichishpa huañuchirca. Chai pueblopi causaccunata shucllatapish mana saquishpami tucui huañuchirca. Chashna huañuchishpami Maceda pueblota jatun mandactaca Jericó pueblota jatun mandacta shinallatacmi huañuchirca.

JOSUÉ 6:21

Chaiman yaicushpaca, chaipi tucui causaccunatami espadahuan huañuchishpa, caricunatapish, huarmicunatapish, quipa huiñaicunatapish, yuyaccunatapish tucuchirca. Chashnallatac huagracuna, ovejacuna, burrocunacamanmi tucuchirca.

JOSUÉ 8:21

Josuepish, tucui israelcunapish, pacalla chapacuc runacunapish Hai pueblota japishcata, shinallatac chai pueblomanta cushni llucshicucta ricushpami, cutishpa tucui Hai pueblopi causaccunata huañuchirca.

JOSUÉ 8:23

Shinallatac Hai pueblota jatun mandacta japishpaca, Josuepacmanmi aparcacuna.

JOSUÉ 8:8

Ña chai pueblota japishpaca, Mandac Dios mandashca shinallatac rupachinguichic. Riquichic, caicunataca ñucami mandani» nirca.