JOSUÉ 8:21 - Dios Rimashcata Quillcashcami

²¹ Josuepish, tucui israelcunapish, pacalla chapacuc runacunapish Hai pueblota japishcata, shinallatac chai pueblomanta cushni llucshicucta ricushpami, cutishpa tucui Hai pueblopi causaccunata huañuchirca.

JOSUÉ 8:21 Iomraidhean Croise

2 SAMUEL 10:9

Joabca ñaupa ladomanpish, huasha ladomanpish macanacungapac allichirishca shayacucta ricushpami, tucui Israelmanta ashtahuan sinchi runacunata acllashpa, siriocunahuan macanacugrirca.

JOSUÉ 10:1

Jerusalén pueblota jatun mandac Adonisedecca Jericó pueblopi causaccunatapish, chai pueblota mandactapish imata ruhuashca shinallatac Hai pueblota chai pueblota jatun mandactapish tucui tucuchishcata, shinallatac gabaonitacunahuan alli causangapac ari nishcatapishmi yachac chayarca.

JOSUÉ 8:20

Hai pueblopi causaccunaca paicunapac pueblota tigrarishpa ricushpaca, chai pueblo rupashpa, cushni jahua pachaman ricuctami ricurcacuna. Paicuna shitashca pambata caticucpi, israelcuna paicunahuan macanacungapac cutimucucpimi, maimanpish mana callpai pudircacuna.

JOSUÉ 8:22

Chashna cacpica, caishuc israelcuna Hai pueblomanta llucshishpami tupangapac shamurca. Chashna shamucpimi, Hai pueblopi causaccunaca israelcunapac chaupipi saquirirca. Shuccunaca caishuc ladomanta, chaishuccunaca chaishuc ladomanta shamushpami, chaupinchishpa shucllatapish mana saquishpa, tucui huañuchirca.