JOSUÉ 8:15 - Dios Rimashcata Quillcashcami

¹⁵ Josueca tucui israelcunandimi miticushpa callpacuc shina, paicunapac ñaupamanta shitashca pambata callparca.

JOSUÉ 8:15 Iomraidhean Croise

JOSUÉ 15:61

Cutin shitashca pambapica, Bet-aarabá, Midín, Secaca,

JOSUÉ 16:1

Josepac churicunaman suerteta ruhuashpa, allpata cushcaca inti llucshina ladomanca Jericó pueblo lado Jordán yacumantaca Jericó yacuta catishpa, chai pueblo lado shitashca pambata urcu ladoman huichai rishpa, Bet-el pueblocamanmi carca.

JOSUÉ 18:12

Paicunapac allpaca jahua ladomanca Jordán yacumanta callarishpa Jericó pueblo jahua ladocamanmi carca. Chaimantaca inti tigrana ladomanca urcu ladota huichai rishpami Bet-avén shitashca pambacaman carca.

JOSUÉ 8:14

Hai pueblota jatun mandac chaita ricushpami tutamanta utca jatarishpa, chai pueblopi causaccunata pushashpa, israelcunahuan Arabá chimba pampapi macanacungapac llucshirca. Paicunaca maijan israelcuna Hai pueblo huashapi chapacucta mana yachashpami chashna llucshirca.

JUECES 20:36

Chaita ricushpami Benjamín aillucunaca: “¡Ñucanchictaca ña atincunami!” nirca. Israelcunaca Gabaa pueblo muyundipi pacalla chapac runacuna atingacunallami nishpami, Benjamín aillucunahuan macanacushca pushtumantaca caruyarca.

JUECES 20:42

Chaimantami Israelpac ñaupamanta tigrarishpa shitashca pambaman rina ñanta callparca. Shina callpacpipish pueblomanta shamuc runacuna tupashpami chaipi huañuchirca.