JOSUÉ 7:4 - Dios Rimashcata Quillcashcami

⁴ Shina nicpimi, israelcunaca quimsa huaranga shina runacuna huichai ricpipish, Hai pueblopi causaccunaca paicunata atishpa macacpimi, miticushpa callparcacuna.

JOSUÉ 7:4 Iomraidhean Croise

SALMOS 89:43

Paipac espadataca filo illactami ruhuashcangui. Jatun macanacuipipish mana ayudarcanguichu.

ISAÍAS 30:17

Shucllami cancunapuramanta huaranga runata manchachishpa callpachinga. Pichca runacunallami tucui cancunata manchachishpa callpachinga. Chashna callpachicpimi, urcupi shuclla caspi shayacuc shina, bandera shayacuc shina tucunguichic.

ISAÍAS 59:2

Ashtahuanpish cancuna mana allita ruhuashcallatacmi Diosmanta caruyachishca. Cancunapac juchallatacmi cancuna mañashcata uyanata jarcashca. Chaimantami paipac ñahuita pacashca.

LEVÍTICO 26:17

Ñucaca cancunata piñashami. Shina piñacpimi, cancunata piñaccunaca atishpa chugrichinga. Cancunata mana ricunayachiccunami manchachishpa changa. Manapish pi ima nicucpimi, miticushpa puringuichic.

DEUTERONOMIO 28:25

Mandac Diosca cancunataca piñaccunapac maquipimi llaquichichun churanga. Cancunaca macanacungapacca shuc ñanllatami llucshinguichic. Cutin paicunapac ñaupamantaca canchis ñantami cutinguichic. Chaita ricushpaca, tucui cai pachapi tiyac jatun mandaccunami mancharinga.

DEUTERONOMIO 32:30

Jatun Rumi shina Diosllatac mana mishachishca cacpica, ¿ima shinatac shuclla runa huaranga genteta callpachinga? ¿Ima shinatac ishcailla runa chunga huaranga genteta catishpa cachanga?

JOSUÉ 7:3

Josuepacman cutishpaca: «Hai pueblopi causaccunaca ashallami. Chaimanta ishcai huaranga, mana cashpaca quimsa huaranga runacunalla llucshichun. Chai pueblotaca paicunallami quichunga. Ama tucui mashna rishpa, yanga shaicuichicchu» nirca.