JOSUÉ 7:19 - Dios Rimashcata Quillcashcami

¹⁹ Chashna cuchuyacpica, Acanta Josué tapushpaca: —¡Ñuca huahualla, can imata ruhuashcata huillashpa israelcunata Mandac Diosta sumacmari cangui, allimari cangui niyari! ¡Can imata ruhuashca cashpapish ama pacaichu!— nirca.

JOSUÉ 7:19 Iomraidhean Croise

2 REYES 20:15

Shina nicpimi, cutinllatac tapushpaca: —¿Cambac huasipica imatatac ricurcacunayari?— nirca. Shina nicpimi Ezequiasca: —Ñuca huasipica tucui ima tiyashcatami ricurcacuna. Allichishca huasipi ima tiyashcataca imata mana pacashpami ricuchircani— nirca.

2 CRÓNICAS 30:22

Ezequiasca Mandac Diosta servingapac tucui alli yuyaita charic levitacunatami paicunapac shungupi chayacta rimarca. Jatun fiesta punzhapi micungapac huañuchishca aichataca canchis punzhacamanmi micurcacuna. Dios-huan alli tucungapac animalcunata cushpa huañuchishca shinallatac paicunapac ñaupa taitacunata Mandac Diosta pagui nishpami micurcacuna.

SALMOS 32:5

Ñuca juchacunata huillashpaca ima mapata ruhuashcatapish mana pacashpami huillarcani. Ñucaca: «Canta mana cazushcataca can Mandac Diosmanmi huillasha» nircani. Chashna huillacpimi, ñuca millaita ruhuashpa juchallishcataca perdonarcangui.

SALMOS 51:3

Canta mana cazushcataca shungumantami llaquirini. Chai juchata ruhuashcaca yuyachicunllami.

PROVERBIOS 28:13

Maijanpish paipac juchata pacacca, mana alli causai pudingachu. Ashtahuanpish juchacunata huillashpa, tucuita saquicpica Diosca llaquingami.

ISAÍAS 13:12

Gentecunataca Ofir llactamanta apamushca sumac curita shinami, ashallata saquisha.

JEREMÍAS 13:16

Manarac amsa tuta tucucpi, manarac cancunapac chaquicuna pura urcucunapi mitcaricpi, cancunata Mandac Diostaca “sumaimanami cangui” nichicyari. Cancunaca achicyachic luzta shuyacucpipish, yallita pura tutatami tucunga.

DANIEL 9:4

Ñucata Mandac Diosta mañashpami, paiman juchacunata huillashpaca: “¡Mandac Dioslla, canca manchana jatun Diosmi cangui! Canta cuyaccunahuan, can mandashcacunata pactachiccunahuan ari nishcata pactachicmi cangui.

SAN LUCAS 17:18

Cai mana Israel runami, Diosta alli ningapac cutimushca, ashtahuanpish israelcunaca mana cutimushcachu— nirca.

SAN JUAN 9:24

Shina nicpimi, cutin alliyashca runata mandac israelcuna cayashpaca: —Diospac shutipi huillai. Ñucanchicca chai Jesús runataca juchayuc cashcatami yachanchic— nirca.

ROMANOS 10:10

Chaica, Dios chasquishca cangapacca tucui shunguhuanmi crina. Quishpiringapac quiquin shimihuanmi “Jesusca ñucata Mandacmi” nina.

2 TIMOTEO 2:25

Piñaccunatapish cuyai shunguhuanmi yachachina can. Chashna yachachicpi Dios paiman cutirina yuyaita cucpi, cashcata nic huillashcata cringacunapishchari.

TITO 2:2

Ñaupa huiñai taitacunataca alli nishca, mana pucllaric, alli yuyaiyuc, alli cric, cuyac, mana piñaric,

SANTIAGO 1:20

Pipish piñaricca, Dios munashcataca mana ruhuanchu.

JOSUÉ 7:20

Shina nicpimi, Acanca Josuetaca: —Israelcunata Mandac Diospac ñaupapica juchallishcanimi. Caitami ruhuarcani:

APOCALIPSIS 16:9

Chaipica, tucui gentecunami ruparca. Shina cacpipish, Diosman cutirishpa, paita alli ninataca mana munarcacunachu, ashtahuanpish chai llaquicunatapish anchuchiclla Diostaca camishpami rimarcacuna.

1 SAMUEL 14:43

Chaimantami Saulca Jonatantaca: —¿Imatatac ruhuarcangui? Chaita huillai— nirca. Shina nicpimi Jonatanca: —Ari, ñuca charicushca caspi puntahuanmi asha abeja mishquita mallircani. Chaimantaca huañunatacmi cani— nirca.

1 SAMUEL 6:5

Cancunapac llactata tucuchicuc chupu shinata, ucuchacuna shinata curimanta ruhuashpa israelcunapac Diostaca allimari cangui nichic. Chashna ruhuacpica cancunatapish, cancunapac dioscunatapish, cancunapac allpacunatapish, paipac poderhuan llaquichinataca saquingapishchari.