JOSUÉ 7:12 - Dios Rimashcata Quillcashcami

¹² Chaimantami israelcunaca paicunata piñaccunahuan macanacunata mana pudincuna. Ashtahuanpish paicunata piñaccunapac ñaupamantaca manchashpami callpangacuna. Paicunapish ñuca tucuchingapac chicanyachishtaca cancunapac chaupimanta mana anchuchishpa chingachicpica, ñucaca mana ashtahuan cancunahuan cashachu.

JOSUÉ 7:12 Iomraidhean Croise

SALMOS 44:10

Ñucanchictaca piñaccunapac ñaupamanta manchashpa, callpachunmi saquishcangui. Ñucanchicta mana ricunayachiccunapish, tucui charishcacunatami apancuna.

SALMOS 60:10

Dioslla, canmi ñucanchicta shitarcangui. Ñucanchic soldadocunahuanpish ña mana llucshinguichu.

PROVERBIOS 28:1

Diosta mana manchac runaca pipish mana caticucpimi miticushpa callpan. Ashtahuanpish cashcata ruhuac runaca león shinami imatapish mana manchan.

ISAÍAS 59:2

Ashtahuanpish cancuna mana allita ruhuashcallatacmi Diosmanta caruyachishca. Cancunapac juchallatacmi cancuna mañashcata uyanata jarcashca. Chaimantami paipac ñahuita pacashca.

JEREMÍAS 23:33

Jeremías canta: “Cai llactapi causac maijancuna, mana cashpaca shuctac huillac, mana cashpaca cura: ¿Mandac Diosca imatatac huillan?” nishpa tapucpica: Canca: “Mandac Diosca: ‘Ñucaca cancunataca shitagrinimi’ ninmi ningui” nirca.

JEREMÍAS 6:8

Jerusalenpi causaccunalla, cancunamanta ñuca ama caruyachunca, mana allita ruhuanata saquishpa, allita ruhuaichicyari. Cai llactapipish mana causana, shitashca pamba shina, ama saquirichunca allita ruhuashpa causaichicyari» nishpami mandan.

OSEAS 9:12

Huahuacuna huiñacpipish, paicunapuramanta anchuchishami. Paicuna ñucamanta anchurishpaca, ¡imachari tucunga!

HABACUC 1:13

Canca jucha illac cashpami, millaitaca mana ricusha ningui. Ima mana allitapish mana ricusha ninguichu. ¿Ima nishpatac mana cazuccunataca ricucunguilla? ¿Ima nishpatac canta mana manchac runa cashcata ruhuac runata llaquichicucta ricucunguilla?

NÚMEROS 14:39

Tucui caicunata Moisés huillacpimi, israelcunaca yallita llaquirirca.

NÚMEROS 14:42

Mandac Diosca mana cancunahuanchu, ama richicchu. Chaiman rishpaca, piñaccunapac ñaupapi huañunguichicmi.

NÚMEROS 14:43

Chaipica amalecitacuna, cananeocunami espadahuan huañuchingapac chapacun. Mandac Diosta catinata saquishcanguichicmi. Chaimantami Mandac Diosca cancunahuanca mana can— nirca.

NÚMEROS 14:45

Chashna ricpica, chai urcupi causac amalecitacunami cananeocunahuan shamushpa macashpa chugrichishpa, Hormacaman catirca.

DEUTERONOMIO 7:26

Cancunapish paicunahuan pacta mana tucuchishca cangapacca ama millanacunata cancunapac huasipi yaicuchinguichicchu. Chaicunataca Dios tucuchishpa, chingachina cashcamantaca millashpa, ama ricunguichicchu.

JOSUÉ 6:18

Ashtahuanpish, cunanca Dios tucuchingapac chicanyachishcataca, imatapish ama tuparinguichicchu, ama japinguichicchu pacta israelcunapac carpacuna Dios llaquichina tucunman.

JUECES 16:20

Chaimantami Dalilaca: «¡Sansón, filisteocunaca canta japigricunca!» nishpa caparirca. Sansón riccharishpaca: «Cutinllatac atishami» yuyashpa jatarirca. Ashtahuanpish paica Mandac Dios paimanta anchurishcataca mana yacharcachu.

JUECES 2:14

Chaimantami Mandac Diosca nina japiric shina piñarishpa israelcunataca imatapish shuhuashpa puriccunapac maquipi churarca. Shinallatac chai muyundipi causac paicunata piñac gentecunapac maquipi churacpimi, israelcunaca paicunataca mana ati pudirca.

JUECES 2:4

Mandac Diospac ángel chashna nicpica, tucui israelcunami caparishpa huacai callarirca.

1 SAMUEL 14:38

Chaimantami Saulca: —Soldadocunata tucui mandaccuna caiman tandanacuichic. Maijan ima juchata ruhuashcata tapushpa yachaichic.