JOSUÉ 7:1 - Dios Rimashcata Quillcashcami

¹ Ashtahuanpish israelcunaca Mandac Dios tucuchingapac chicanyachishcata pacalla japishpami pandarircacuna. Judapac aillupuramanta Acanmi chaitaca ruhuarca. Paica Carmipac churi, Zabdipac nieto, Zerapac bisnietomi carca. Chaimantami Mandac Diosca israelcunahuan nina japiric shina piñarirca.

JOSUÉ 7:1 Iomraidhean Croise

GÉNESIS 34:27

Jacobopac churicunaca paicunapac pani Dinata japirishpa llaquichishcamantami chai huañushcacunapac jahuata rishpa, chaipi ima tiyashcacunata tucui shuhuashpa aparca.

2 SAMUEL 24:1

Mandac Diosca israelcunahuan cutinllatac nina japiric shina piñarishpami Davidtaca: «Israelcunatapish, Judá gentecunatapish yupachi» nirca.

2 REYES 5:24

Giezi shuc pacallaman chayashpaca, chai runacunapac maquimanta japishpami, huasipi huacaichishpa, chai runacunataca caya minchacaman nishpa cacharca.

1 CRÓNICAS 21:7

David caita ruhuashcaca Mandac Diospac ñaupapica mana allichu carca. Chaimantami taita Diosca israelcunata llaquichirca.

2 CRÓNICAS 24:18

Paicunapac ñaupa taitacunaca Mandac Diospac huasita shitashpami, Asera huarmi diosman ricchacunata, imamanpish riccha dioscunata ruhuashpa alli nircacuna. Chashna juchata ruhuashcamantami Mandac Diosca Judá llactapi causaccunahuanpish, Jerusalenpi causaccunahuanpish yallita piñarirca.

ESDRAS 9:6

mañashpaca: «Ñuca Dioslla, yallita manchaihuan, pingaihuan cashpami, ñuca ñahuihuan canta huichai ricunatapish mana pudini. Ñuca Dioslla, ñucanchic mana allita ruhuashcaca yallita mirashpami, umacaman tapashpa, jahua pachacaman chayashca.

JOB 35:8

Cambac juchacunaca can shina runatami llaquichinga. Cashcata can ruhuashcaca can shina runapacmi alli canga.

ECLESIASTÉS 9:18

Alli yachaica ima macanacunata yalli ashtahuan allimi. Ashtahuanpish shuc pandaillami achca allicunataca tucuchin.

DANIEL 9:7

Mandac Dioslla, canca cashcata ruhuacmi cangui. Ñucanchicca cunan punzhapi shina pingaichishca cangapacllami canchic. Judá llactapi, Jerusalenpi, cuchullapi causac, carupi causac tucui israelcunapish, canta mana cazushcamanta tucui cai pachata catishpa cachashcacunapish chashnami tucushun.

LEVÍTICO 10:6

Moisés Aarontapish, paipac churi Eleazartapish, Itamartapish rimashpaca: «Llaquilla tucushpa, achca cacharishca ama puricuichicchu. Llaquilla cashcamanta ama churanata lliquirichicchu. Pacta cancunapish huañunguichicman. Pacta tucui israelcunahuan Mandac Dios piñarinman. Cancunapac huauqui israelcunami Mandac Dios rupachishca runacunamanta huacangacuna.

JONÁS 1:7

Chaimanca paicunapura caishuc chaishuc tapunacushpaca: «¡Pimantac cai llaquicuna shamushcata yachangapac, suerteta ruhuashunchic!» ninacurca. Chashna suerteta ruhuacpica, Jonasmanmi urmarca.

JOSUÉ 22:16

—Mandac Diospac tucui tandanacushca israelcunami: “¿Ima nishpatac yachashca jahua israelcunapac Diosta piñachishpa mana cazucunguichic? Cunanca, ¿ima nishpatac Mandac Diosta catinata saquishpa, paita mana cazushpa, shuc altarta ruhuarcanguichic?

JOSUÉ 22:18

Mandac Diosta catinataca ¿ima nishpatac saquinguichic? Cunan paita piñachishpa, llaquichicpica, caya punzhami mandac Diosca tucui tandanacushca israelcunahuanmi piñaringa.

JOSUÉ 22:20

¿Zerapac churi Acán Diospac chicanyachishcata japicpi, Mandac Dios tandanacushca israelcunahuan piñarishcaca manachu ñucanchicta llaquichirca? Chai runaca pai mana allita ruhuashcamantaca mana paillachu huañurca” nichunmi cachan— nirca.