JOSUÉ 6:6 - Dios Rimashcata Quillcashcami

⁶ Nunpac churi Josué curacunata cayashpaca: «Dios ari nishca quillcata huacaichina Arcata apaichic. Canchis curacunaca oveja gachucunamanta ruhuashca canchis cornetata apashpami, Arcata huanduccunapac ñaupata ringacuna» nirca.

JOSUÉ 6:6 Iomraidhean Croise

ÉXODO 25:14

Chai varacunataca Arcata huandungapac argollacunapi churachingui.

HECHOS 9:1

Sauloca Apunchic Jesusta criccunataca ashtahuan huañuchinata munashpami, Israel curacunata jatun mandac curapacman rirca.

JOSUÉ 24:11

Chai quipaca Jordán yacuta pasashpami Jericó puebloman chayamurcanguichic. Chaipimi Jericó pueblopi causaccunaca cancunahuan macanacungapac shayarirca. Shinallatac amorreocunapish, ferezeocunapish, cananeocunapish, heteocunapish, gergeseocunapish, heveocunapish, jebuseocunapish macanacungapac shayarircami. Paicunatapish ñucaca cancunapac maquipimi churarcani.

JOSUÉ 3:3

israelcunataca: «Mandac Dios ari nishca quillcata huacaichina Arcata levita curacuna huandushpa ricpica, cancuna tiyacushcamanta catishpa ringuichic.

JOSUÉ 3:6

Quipata curacunata Josué rimashpaca: «Dios ari nishca quillcata huacaichina Arcata huandushpa, israelcunapac ñaupata richic» nirca. Shina nicpimi, Arcata huandushpa, israelcunapac ñaupata rircacuna.

JOSUÉ 6:13

Oveja gachumanta ruhuashca canchis cornetata apac canchis curacunaca Mandac Diospac Arcata huanduccunapac ñaupatami tocashpa rirca. Paicunapac ñaupataca macanacungapac allichirishca caricuna, cutin caishuccunaca Mandac Diospac Arcata huanduccunapac huashatami rirca. Gachucunapica tocacurcacunallami.

JOSUÉ 6:5

Oveja gachucunapi unaita tocashpa uyaricpica, tucui gentecunami sinchita caparinga. Chaipica, pueblota jarcashca pircaca urmangami. Shina tucucpica, chai puebloman rishpami llaquichigrina canguichic» nirca.

JOSUÉ 6:7

Shinallatac israelcunataca: «Chai pueblota muyugrichic. Macanacungapac allichirishca caricunaca Diospac Arcata apaccunapac ñaupatami pasangacuna» nirca.

JOSUÉ 6:8

Josué gentecunata chashna nincami canchis curacunaca oveja gachumanta ruhuashca canchis cornetata apashpa, Mandac Diospac Arca ñaupata rishpa tocarcacuna. Cutin Mandac Diospac Arcaca catishpami rirca.

1 SAMUEL 4:3

Carpa huasicunaman israelcuna cutimucpimi, israelcunata pushac yuyaccunaca: —¿Cunanca, ima nishpatac Mandac Diosca filisteocuna mishachun saquinyari? Cunanca Dios ari nishca quillcata huacaichina Arcata Silo pueblomanta apamugrishunchic. Shina apamucpimi, paica ñucanchic chaupipi causashpa ñucanchicta piñaccunapac maquimanta quishpichinga— nirca.