JOSUÉ 4:9 - Dios Rimashcata Quillcashcami

⁹ Shinallatac Josuepish, Jordán yacu chaupipimi Dios ari nishca quillcata huacaichina Arcata huandushpa ric curacuna shayacushca pushtupi chunga ishcai rumicunata shayachirca. Chai rumicunaca cunancamanmi chaillapitac can.

JOSUÉ 4:9 Iomraidhean Croise

GÉNESIS 26:33

Chai jundutaca Isaacca Ari ninacuitami shutichirca. Chaimantami chai llactaca cunan punzhacaman «Beerseba» shuti can.

GÉNESIS 28:18

Jacoboca cayandi utca jatarishpami, saunashpa sueñushca rumita japishpa, shuc pilarta shina shayachirca. Chai quipaca aceiteta chai rumipi tallishpami, Diospacllata ruhuarca.

2 SAMUEL 4:3

(Beerot pueblopi causaccunaca Gitaim pueblomanmi miticushpa rishca carca. Chaipimi cunancaman pozashpalla causancuna).

1 REYES 18:31

Eliasca Jacobopac chunga ishcai churicunata ricuchic cachunmi chunga ishcai rumicunata japishpa altarta allichirca. Mandac Diosmi Jacobotaca: «Cambac shutica Israelmi canga» nishca carca.

2 CRÓNICAS 5:9

Chai huanduna caspicunaca largo cashcamantami Diospaclla ucumantaca ricunalla carca. Canzhamantaca mana ricunallachu carca. Chaica cunan punzhacamanmi chashnallatac tiyacun.

ÉXODO 24:12

Mandac Diosca Moisestaca: —Ñucahuan tupangapac urcuman shamushpa, chaipi shuyai. Chaipimi tabla rumipi ñuca mandashcacunatapish, israelcunata yachachishcacunatapish cusha— nirca.

ÉXODO 28:21

Chai rumicunaca Israelpac huahuacunatami ricuchicunga. Chai rumicunaca Israelpac aillucuna shinallatacmi chunga ishcai rumi canga. Tucui rumicunami Israel aillucunapac shutiyuc, selloyuc canga.

SAN MATEO 27:8

Chaimantami chai pambataca cunancaman Yahuar Allpa nishpa cayancuna.

SAN MATEO 28:15

Soldadocuna cullquita japishpaca, paicuna nishca shinami ruhuarca. Chashna nishcataca, cunan punzhacamanmi israelcunaca parlanacun.

DEUTERONOMIO 34:6

Shinami Moisestaca Bet-peor chimba ladopi cac Moab llacta pambapi enterrarca. Pai enterrashca jutcutaca cunancaman pi mana yachanchu.

JOSUÉ 24:26

Josueca cai rimashcacunatami Dios mandashcata quillcana libropi quillcarca. Chai quipaca jatun rumita japishpami, Mandac Diospac carpa ladopi tiyac encina yura ucupi shayachirca.

JOSUÉ 4:10

Arcata huandushpa ric curacunaca Josueta Mandac Dios mandashca shinallatacmi Moisés ima nishcata ningacaman Jordán yacu chaupipi shayacurca. Chai quipaca, israelcunaca utcami Jordán yacuta pasarca.

JUECES 1:26

Chai runaca heteocuna causana llactaman rishpami shuc pueblota ruhuashpa, Luz shutita shutichirca. Chai shutimi cunan punzhacaman can.

1 SAMUEL 30:25

Cai mandashcaca chai punzhamanta pacha cunan punzhacamanmi Israel llactapica shuc mandashca tucushca. Cai mandashcataca pactachishpami catincuna.

1 SAMUEL 7:12

Chai quipami Samuelca shuc jatun rumita japishpa, Mizpa pueblohuan Sen pueblohuan tupanacui chaupipi churashpaca: «¡Mandac Diosca caicamanmi ñucanchictaca ayudashca!» nishpa, Eben-ezerta shutichirca.