JOSUÉ 4:4 - Dios Rimashcata Quillcashcami

⁴ Shina nicpimi, Josueca Israel aillucunapuramanta pai acllashca chunga ishcai runacunata cayarca. Paicunaca cada aillumanta shucmi carca.

JOSUÉ 4:4 Iomraidhean Croise

JOSUÉ 3:12

Cunanca chunga ishcai Israel aillucunamanta chunga ishcai runacunata acllaichic. Cada aillumanta shucta acllaichic.

JOSUÉ 4:2

«Chunga ishcai Israel aillucunamanta chunga ishcai runata acllai. Cada aillumanta shucta acllashpaca:

JOSUÉ 4:3

“Jordán yacu chaupipi chaquishca allpapi curacuna sarushca pushtumanta chunga ishcai rumita apanguichic. Chai rumicunataca cancuna cunan tuta maipimi pacaringuichic, chaipi shayachinguichic” nishpa mandai» nirca.

JOSUÉ 4:5

Josueca Paicunataca: «Cancunata Mandac Diospac Arca ñaupata rishpa, Jordán yacu chaupicaman richic. Chaimantaca cada Israel aillucunamanta acllashca chunga ishcai runacuna, cada shuc rumita marcashpa apaichic.