JOSUÉ 4:3 - Dios Rimashcata Quillcashcami

³ “Jordán yacu chaupipi chaquishca allpapi curacuna sarushca pushtumanta chunga ishcai rumita apanguichic. Chai rumicunataca cancuna cunan tuta maipimi pacaringuichic, chaipi shayachinguichic” nishpa mandai» nirca.

JOSUÉ 4:3 Iomraidhean Croise

GÉNESIS 28:22

Ricunalla cachunmi, pilarta shina, cai ñuca shayachishca rumica Diospac huasi canga. Shinallatac tucui can imalla cushcacunamantaca chungamanta shucta chicanyachishpami canmanca cusha» nirca.

SALMOS 103:2

Ñuca almalla, Mandac Diosta alli niyari. Tucui pai bendiciashcataca shucllatapish ama cungarichu.

SALMOS 11:4

Mandac Diosca paipaclla huasipimi tiyacun. Mandac Diosca jahua pachapimi jatun tiyarinataca charin. Huañuclla aichayuc runa ima shina cashcataca tucuita ricucun.

SAN LUCAS 19:40

Chashna nicpimi Jesusca: —Paicuna upallacpica, rumicunami caparinga— nirca.

JOSUÉ 24:27

Chai quipaca tucui israelcunatami Josueca: —Riquichic, ñucanchic mana allita ruhuashcataca cai rumimi ricuchinga. Cai rumimi Mandac Dios ñucanchicta tucui mandashcataca uyarca. Mandac Diosta cungarishpa ama saquinguichicchu. Cai rumica cancunata llaquichina cashcata ricuchicmi— nirca.

JOSUÉ 3:13

Tucui cai pachata Mandac Diospac Arcata huandushpa ric curacuna chaquita Jordán yacupi churacpica, chai yacuca chaupiringami. Jahuamanta shamuc yacuca pirca tucushpami saquiringa» nirca.

JOSUÉ 4:4

Shina nicpimi, Josueca Israel aillucunapuramanta pai acllashca chunga ishcai runacunata cayarca. Paicunaca cada aillumanta shucmi carca.

JOSUÉ 4:8

Israelcunaca Mandac Dios Josueta mandashca shinallatacmi chunga ishcai rumita aparcacuna. Cada Israel aillucunamanta acllashca chunga ishcai runacunami cada shuc rumita aparca. Chaitaca maipimi paicuna pacarina pushtupimi churarca.

1 SAMUEL 7:12

Chai quipami Samuelca shuc jatun rumita japishpa, Mizpa pueblohuan Sen pueblohuan tupanacui chaupipi churashpaca: «¡Mandac Diosca caicamanmi ñucanchictaca ayudashca!» nishpa, Eben-ezerta shutichirca.