JOSUÉ 4:14 - Dios Rimashcata Quillcashcami

¹⁴ Chai punzhami Mandac Diosca tucui israelcunapac ñaupapi Josuetaca jatunyachirca. Israelcunaca Moisesta cazushca shinallatac paitapish tucui causaipi cazurcacuna.

JOSUÉ 4:14 Iomraidhean Croise

1 REYES 3:28

Chai piñanacuita jatun mandac allichishcataca tucui israelcunami yacharca. Dios cushca alli yuyaihuan imatapish allichishcata yachac chayashpami Salomontaca tucui mashna cazurcacuna.

2 REYES 2:15

Jordán yacu chimbapi tiyac Jericó pueblopimi, Dios ima nishcata huillaccunapac churicunaca shayacurca. Chaipimi paicunaca: «¡Eliaspac espirituca Eliseopimi causacun!» nirca. Shina nishpami, Eliseopacman rishpa, pambacaman cumurircacuna.

1 CRÓNICAS 29:25

Mandac Diosca tucui israelcunapac ñaupapimi Salomontaca yallita jatunyachirca. Ñaupa Israel llactata jatun mandaccunamanta ashtahuan sumac mandac cachunmi Salomonta churarca.

2 CRÓNICAS 30:12

Shinallatac Judá llactapi causaccunapish Dios paipac poderhuan yuyaita cushcamantami, Mandac Dios mandashca shinallatac jatun mandacpish, caishuc mandaccunapish mandashcata cazurcacuna.

ÉXODO 11:3

Mandac Diosca israelcuna mañashcata cuchunmi, Egipto runacunamanca cuyac shunguta curca. Moisespish tucui Egipto llactapi alli nishcami carca. Faraonta serviccunapacpish, tucui gentecunapacpish alli nishcami carca.

ÉXODO 14:31

Israelcunaca Mandac Dios Egipto runacunata tucuchishpa, jatun cashcata ricuchicpimi, Mandac Diostapish, paita servic Moisestapish crircacuna.

PROVERBIOS 24:21

Ñuca huahualla, Mandac Diostapish, jatun mandactapish manchangui. Mana cazuccunahuanca ama tandanacuichu.

ROMANOS 13:4

Mandaccunaca Diosta servic cashpami, cambac allipac can. Mana yanga churashcachu, ashtahuanpish mana allita ruhuac runata llaquichingapacmi. Paicunaca Diospacta ruhuac cashpami, maijanpish llaquichina cacpica, cashcata ruhuashpa llaquichin. Chaimanta mana allita ruhuashpaca manchanami cangui.

1 CORINTIOS 10:2

Chashna puyuhuanpish, cucha yacuhuanpish bautizaric shina tucushpami, Moises-huan shuc shinalla tucurcacuna.

JOSUÉ 3:7

Chashna nishca quipami Mandac Diosca Josuetaca: «Cunan punzhamanta pachami cantaca israelcunapac ñaupapi jatunyachigrini. Chashna ruhuacpimi, Moises-huan ima shinami carcani, chashnallatac canhuanpish, cashcata yachangacuna.

JOSUÉ 4:13

Macanacungapac allichirishca runacunaca chuscu chunga huaranga shinami macanacunata apashpa Jericó pueblo pambaman Mandac Diospac ñaupata pasarca.

JOSUÉ 4:15

Chai quipami, Mandac Diosca Josuetaca:

1 SAMUEL 12:18

Shina nishca quipami Mandac Diosta caparishpa Samuel mañacpica, Mandac Diosca relampatapish, tamyatapish chai punzhapica yallita cacharca. Shina ruhuacpimi Mandac Diostapish, Samueltapish tucui gentecuna yallita mancharca.