JOSUÉ 4:12 - Dios Rimashcata Quillcashcami

¹² Moisés mandashca shinallatacmi Rubenpac, Gadpac aillupish, Manasespac chaupi aillupish macanacunata apashpa, caishuc israelcunapac ñaupata pasarca.

JOSUÉ 4:12 Iomraidhean Croise

ÉXODO 13:18

Chaimantami chai shitashca pamba ñanta rishpa, ashtahuan caruta muyushpa, Puca Cuchata pusharca. Israelcuna Egiptomantaca allichirishpami llucshirca.

NÚMEROS 1:24

Gadpac ailluta, huasi ucupurata catishpa, ishcai chunga huatayucmanta callarishpa, macanacuiman ripac caricunataca

NÚMEROS 32:17

Ñucanchicca macanacungapac allichirishpami caishuc israelcunata ñaupashpa rishun. Paicuna chai llactaman yaicungacamanmi macanacushun. Ñucanchic macanacuiman ricpi, cai llactapi causaccuna ñucanchic huahuacunata ama llaquichichunca, llacta muyunditami pircashun.

DEUTERONOMIO 3:18

Chai huatacunapica cancunataca: “Mandac Diosmi cai llactacunata curca. Tucui macanacuc runacunaca cancunapac huauqui israelcunapac ñaupata richic.

DEUTERONOMIO 33:21

Gadca mandaccuna japina sumac allpatami japirca. Mandaccuna tandanacucpica, Mandac Dios mandashcacunami ruhuarca. Mandac Dios imata ruhuachun nishcataca israelcunahuanmi pactachirca» nirca.

JOSUÉ 1:14

Jordán yacumanta inti llucshina ladoman Moisés cushca llactapimi cancunapac huarmicunapish, huahuacunapish, animalcunapish saquiringa. Shina cacpipish, sinchita macanacuc runacunaca cancunapac huauqui israelcunata ayudangapac macanacunahuan pasachun.

JOSUÉ 4:11

Tucui israelcuna ña pasacpica, curacunapish paicunata catishpami Diospac Arcata apashpa pasarca.

JOSUÉ 4:13

Macanacungapac allichirishca runacunaca chuscu chunga huaranga shinami macanacunata apashpa Jericó pueblo pambaman Mandac Diospac ñaupata pasarca.