JOSUÉ 4:11 - Dios Rimashcata Quillcashcami

¹¹ Tucui israelcuna ña pasacpica, curacunapish paicunata catishpami Diospac Arcata apashpa pasarca.

JOSUÉ 4:11 Iomraidhean Croise

ISAÍAS 52:12

Chai llactamantaca mana miticushpachu llucshinguichic, shinallatac mana callpashpachu llucshinguichicchu. Chaica, Mandac Diosmi cancunapac ñaupata ringa. Israelcunapac Diosmi cancunapac huashata ringa.

JOSUÉ 24:11

Chai quipaca Jordán yacuta pasashpami Jericó puebloman chayamurcanguichic. Chaipimi Jericó pueblopi causaccunaca cancunahuan macanacungapac shayarirca. Shinallatac amorreocunapish, ferezeocunapish, cananeocunapish, heteocunapish, gergeseocunapish, heveocunapish, jebuseocunapish macanacungapac shayarircami. Paicunatapish ñucaca cancunapac maquipimi churarcani.

JOSUÉ 3:17

Ashtahuanpish Mandac Dios ari nishca quillcata huacaichina Arcata huandushpa ric curacunaca Jordán yacu chaupipimi chaquishca allpapi tucui gentecuna pasangacaman shayacurcacuna. Chashnami Jordán yacuca tucui israelcuna pasangacaman chaquishca carca.

JOSUÉ 3:8

Ñuca ari nishca quillcata huacaichina Arcata huandushpa ric curacunataca: “Jordán yacu pataman chayashpa, chaipi shuyanguichic” ningui» nirca.

JOSUÉ 4:10

Arcata huandushpa ric curacunaca Josueta Mandac Dios mandashca shinallatacmi Moisés ima nishcata ningacaman Jordán yacu chaupipi shayacurca. Chai quipaca, israelcunaca utcami Jordán yacuta pasarca.

JOSUÉ 4:12

Moisés mandashca shinallatacmi Rubenpac, Gadpac aillupish, Manasespac chaupi aillupish macanacunata apashpa, caishuc israelcunapac ñaupata pasarca.

JOSUÉ 4:18

Mandac Dios ari nishca quillcata huacaichina Arcata huandushpa ric curacuna Jordán yacu chaupimanta llucshishpa, paicunapac chaquicunapish chaquishcapi sarucpica, Jordán yacuca puntaman cashca shinallatacmi ladocunata tallirishpa ri callarirca.