JOSUÉ 3:16 - Dios Rimashcata Quillcashcami

¹⁶ jahuamanta shamuc yacuca Saretán pueblo ladopi tiyac Adam pueblomanta ashtahuan carupimi tandarishpa saquirirca. Shinami Arabá cuchaman, Cachi Cuchaman ric yacuca chaupirishpa chaquirirca. Shina tucucpica, israelcunaca Jericó puebloman pasarcacunallami.

JOSUÉ 3:16 Iomraidhean Croise

GÉNESIS 14:3

Tucui cai pichca jatun mandaccunami Sidim pambapi tandanacurca. Chai pambapimi Cachi yacu cuchaca can.

1 REYES 4:12

Ahiludpac churi Baanaca Taanac, Miguido pueblocunatapish, Zaretán pueblo ladollapi tiyac, Bet-seán tucui llactatami mandacurca. Zaretán puebloca, Jezreel pueblo ura ladomanmi carca. Bet-seán pueblomantaca Abel-mehola pueblocaman, shinallatac chimba lado Jocmeam pueblocunatapish mandacurcami.

1 REYES 7:46

Chai tucui charinacunataca jatun mandacca Jordán pambapimi ruhuachirca. Chaipica quillu allpami carca. Chai pambaca Sucot pueblohuan Saretán pueblohuan chaupipimi carca.

SALMOS 114:3

Israelcunata mama cucha ricushpaca callpashpami miticurca. Jordán yacuca huashamanmi cutirca.

SALMOS 114:5

Mama cuchalla, ¿imamantatac callpashpa miticurcangui? Jordán yaculla, ¿imamantatac huashaman cutircangui?

SALMOS 29:10

Mandac Diosca yacu juizhu jahuapimi tiyarirca. Huiñaitami jatun mandaccunapac tiyarinapi tiyacun.

SALMOS 33:7

Paimi mama cucha yacucunataca montonashpa charin. Tucui jatun yacucunatami huacaichishpa churan.

SALMOS 66:6

Mama cuchatapish chaquichicpimi, chaquishcata pasarcacuna. ¡Chaimantami paihuan cushicunchic!

SALMOS 74:15

Canmi yacu junducunatapish, callpac yacucunatapish llucchircangui. Pi mana jarcaipac jatun yacutapish chaquichircangui.

SALMOS 77:19

Cambac ñanca mama cuchatami rirca. Jatun timbucuc yacu chaupitami cambac purina ñantaca ruhuarcangui. Cambac chaqui sarushcataca pi mana ricsi pudircachu.

SALMOS 78:13

Mama cucha chaupitami paicunataca pasachirca. Yacuca ishcai ladoman chaupirishpami tandarishpa saquirirca.

ÉXODO 14:21

Moisés maquita cucha jahuata chutacpica, Mandac Diosmi inti llucshina ladomanta sinchi huairata tucui tuta cachashpa, cuchataca ishcaipi chaupirca. Cuchaca ishcaipi chaupishpa, chaquishca allpa shina tucushpa saquirirca.

ÉXODO 14:22

Cucha allimanpish, lluquimanpish pircashca shina chaupiricpimi, israelcunaca chaupi cuchaman yaicurca.

ÉXODO 14:29

Ashtahuanpish israelcunaca chaquishca allpa shinatami, cucha chaupita pasarca. Yacuca allimanpish, lluquimanpish pirca shinami carca.

ÉXODO 15:8

Can pucushca samaihuanmi yacuca ishcai ladoman tandarirca. Huacyacuc mama cuchaca mana cuyurishpami casilla saquirirca. Ucu cuchaca rumi shinami saquirirca.

ISAÍAS 50:2

Ñuca shamushpaca, ¿imamantatac pitapish mana ricurcani? ¿Ñuca cayacpica, ima nishpatac pi mana cutichirca? ¿Manachu ñuca maquica cancunata quishpichipac? Cancunata quishpichingapacca, ¿manachu poderta charini? Riquichic, ñucaca rimashpallami mama cuchata chaquichini. Jatun yacucunatapish chaquishca pambatami ruhuani. Chaipi tiyac challuacunaca yacu mana tiyashcamantami huañushpa ismun.

EZEQUIEL 47:8

Chaimantami ñucataca: «Cai yacuca inti llucshina lado llactamanmi ricun. Arabá pambata urai rishpaca, Cachi Cuchaman chayashpami, mishqui yacu tucunga.

NAHÚM 1:4

Pai rimashpaca, mama cuchatapish, achca yacucunatapish chaquichinmi. Basán llactapish, Carmelo urcupish, Líbano llacta sisacunapish, anguyashpa chaquinmi.

HABACUC 3:8

Mandac Dioslla, ¿callpac yacucunahuanchu piñarircangui? ¿Canca jatun yacuhuanchu nina japiric shina piñarircangui? ¿Cambac caballocunapi, cambac mishana carretacunapi tiyarishpaca, mama cuchatachu llaquichigringui?

NÚMEROS 34:3

Ura lado Zin shitashca pambamantaca Edom llacta tupanacuitami canga. Chai ura inti llucshina lado linderoca Cachi Cucha tucuricamanmi canga.

DEUTERONOMIO 1:1

Cai quillcashcapica Moisesmi Puca Cucha, Jordán yacu chimba ladopi cac shitashca pamba Arabapi tucui israelcunaman huillarca. Chai pamba muyundipica Parán, Tofel, Labán, Hazerot, Di-zahab llactacunami carca.

DEUTERONOMIO 3:17

Jordán yacuta lindero ruhuashpami, Arabá llactataca Cineretmanta Arabá Cachi Cuchacaman curcani. Pisga urcu quingraicamanmi inti llucshina ladomanca curcani.

JOSUÉ 12:3

Inti llucshina ladomanca Arabá pambata catishpa, Cineret mama cuchata catishpa, Arabá mama cuchacaman, chaimantaca Cachi Cuchacaman shinallatac Bet-jesimot puebloman rina ñan uraita catishpami carca. Ura ladomanca Pisga loma quingraicunacamanmi carca.

JOSUÉ 15:2

Chai ura lado linderoca Cachi Cucha chaquimanta callarishpa,

JOSUÉ 16:7

Janoa pueblomantaca Atarot, Naarat pueblo ladoman rishpami Jericó pueblo tupanacui Jordán yacucaman carca.

JOSUÉ 3:13

Tucui cai pachata Mandac Diospac Arcata huandushpa ric curacuna chaquita Jordán yacupi churacpica, chai yacuca chaupiringami. Jahuamanta shamuc yacuca pirca tucushpami saquiringa» nirca.

JOSUÉ 4:22

“Jordán yacu chaupitami israelcunaca chaquishca allpata pasarca.

JOSUÉ 5:1

Jordán yacu chimba lado, inti tigrana ladoman causac amorreocunata jatun mandaccunapish, mama cucha ladopi causacuc cananeocunata jatun mandaccunapish, Jordán yacuta israelcuna pasachun Mandac Dios ima shina chaquichishcata yacharcacunami. Chaimantami paicunapac shungupi yallita manchaihuan israelcunapac ñaupapica shaicushca shina tucurcacuna.

JUECES 7:22

Chai quimsa patsac israelcuna cornetapi tocacucpica, Mandac Diosca madianitapurallatatacmi carpa huasicunapi macanacuchirca. Chaimantami madianita soldadocunaca Zerera puebloman rina ñanta rishpa Bet-sita pueblocaman, Tabat pueblohuan Abel-mehola pueblohuan tupanacuicaman miticushpa rircacuna.