JOSUÉ 24:6 - Dios Rimashcata Quillcashcami

⁶ Cancunapac taitacunata Egiptomanta llucchimucpimi, cancunaca llucshishpa mama cuchaman chayarcanguichic. Chaiman chayacpimi, Egipto runacunaca cancunapac taitacunataca carretacunahuan, caballocunahuan Puca Cuchaman catimurca.

JOSUÉ 24:6 Iomraidhean Croise

NEHEMÍAS 9:11

Israelcunapac ñaupapimi mama cuchata chaupircangui. Chai yacu chaupitaca chaquishca allpatami pasarcacuna. Llaquichingapac caticcunataca, rumita yacu ucupi, shitac shinami ucuyachircangui.

SALMOS 78:13

Mama cucha chaupitami paicunataca pasachirca. Yacuca ishcai ladoman chaupirishpami tandarishpa saquirirca.

ÉXODO 12:37

Israelcunaca Ramesesmantaca Sucotmanmi llucshirca. Paicunapac huahuacunata mana yupashpa, chaquillahuan riccunallami sucta patsac huaranga carca.

ÉXODO 12:51

Chai punzhallatacmi Mandac Diosca israelcunataca tandachishpa Egiptomanta llucchirca.

MIQUEAS 6:4

Ñucami Egipto llactamantaca llucchimurcani. Cancuna, chai llactapi huatashca shina causacucpimi, Moisesta, Aaronta, Mariata cachashpa quishpichircani.

HECHOS 7:36

Chai Moisesmi israelcunata Egiptomanta mancharinacunata ruhuashpa, Puca Cucha chaupita llucchimurca. Shinallatac shitashca pambapipish chuscu chunga huatatami carca.

HEBREOS 11:29

Crishcamantami israelcuna chaquishca allpata shina, Puca Cuchata pasarcacuna. Egipto gentecunaca chai shinallatac pasashun nishpapish, tucuimi yacupi aguarircacuna.