JOSUÉ 23:10 - Dios Rimashcata Quillcashcami

¹⁰ Cancunapuramantaca shuc runallami huaranga runata callpachinga. Cancunata Mandac Diosca pai pactachishami nishca shinallatacmi cancunamanta macanacunga.

JOSUÉ 23:10 Iomraidhean Croise

2 SAMUEL 23:8

Davidpac sinchi runacunapac shuticunaca caicunami: Tacmonitapuramanta Joseb-basebetmi carca. Paica quimsa ashtahuan sinchi runacunata mandacmi carca. Paimi shuc macanacuipica pusac patsac runacunata lanzahuan huañuchirca. Chaimantami paitaca Adino-eznita niccuna carca.

1 CRÓNICAS 5:20

Chai macanacuipimi Diospi shunguta churashpa Diosta mañarcacuna. Chaimantami Diosca paicunapac maquipi agarenocunatapish, paicunata ayudaccunatapish churarca.

1 CRÓNICAS 5:22

Chai macanacuipica Mandac Dios ayudacpimi, achcata huañuchirca. Shuctac llactaman prezu apangacaman chaillapitac causarcacuna.

SALMOS 35:1

Mandac Dioslla, ñucata piñaccunahuan shayariyari. Ñucahuan macanacuccunahuan macanacuiyari.

SALMOS 46:7

Tucuita Mandac Diosca ñucanchic-huanmi. Jocobopac Diosca ñucanchic jarcarinami.

ÉXODO 14:14

Cancunaca chaillapi caichic. Mandac Diosmi cancunamanta macanacunga— nirca.

ISAÍAS 30:17

Shucllami cancunapuramanta huaranga runata manchachishpa callpachinga. Pichca runacunallami tucui cancunata manchachishpa callpachinga. Chashna callpachicpimi, urcupi shuclla caspi shayacuc shina, bandera shayacuc shina tucunguichic.

LEVÍTICO 26:7

Cancunata piñaccunataca manchachishpami callpachinguichic. Cancunapac maquipi urmacpimi, espadahuan huañuchinguichic.

LEVÍTICO 26:8

Pichcallami patsac cancunata piñaccunata manchachishpa cachanguichic. Cancunapuramanta patsacca chunga huarangatami atishpa espadahuan huañuchinguichic.

ZACARÍAS 12:8

Chai punzhapica Mandac Dios ñucami Jerusalenpi causaccunataca cuidasha. Chaimantami paicunapuramanta maijan fuerza illacca jatun mandac David shina sinchi canga. Cutin Davidpac huahuapuramantaca Dios shina, Mandac Dios ñucapac ángel shinami, paicunapac ñaupapica canga.

ROMANOS 8:31

Shina cacpica, ¿imatatac nishun? Dios ñucanchic-huan cacpica, ¿pitac ñucanchictaca llaquichi pudinga?

DEUTERONOMIO 20:3

“Israelcuna caita uyaichic. Cunanmi, cancunata piñaccunahuan macanacungapac ringuichic. Paicunapac ñaupapica ama chucchuichicchu. Ama manchaichicchu, ama manchailla caichicchu, ama manchai shungu caichicchu.

DEUTERONOMIO 20:4

Mandac Diosmari cancunamanta cancunata piñaccunahuan macanacungapac rin. Paimi macanacuita mishachinga” nirca.

DEUTERONOMIO 28:7

Cancunata piñaccuna jatarishpa, cancunata llaquichingapac jataricpica, Mandac Dios ayudacpimi, cancunaca mishanguichic. Cancunata macangapacca shuclla ñantami shamungacuna, ashtahuanpish cancunapac ñaupamantaca canchis ñantami callpangacuna.

DEUTERONOMIO 3:22

Mandac Diosmi cancunamantaca macanacunga. Chaimanta ama manchaichicchu” nirca.

DEUTERONOMIO 32:20

Chaimantami: “Paicuna ima tucucta ricungapac, paicunata mana tigra ricushachu. Paicunaca huahua huahua millaita ruhuaccunami.

DEUTERONOMIO 32:30

Jatun Rumi shina Diosllatac mana mishachishca cacpica, ¿ima shinatac shuclla runa huaranga genteta callpachinga? ¿Ima shinatac ishcailla runa chunga huaranga genteta catishpa cachanga?

JOSUÉ 10:42

Mandac Dios israelcunamanta macanacucpimi, tucui jatun mandaccunatapish atishpa, paicunapac jatun llactacunatapish japirca.

JOSUÉ 23:11

Chaimanta cancunallatac allita cuidarichic. Cancunata Mandac Diosta cuyangapac sinchiyashpa, tucui almahuan cazuichic.

JOSUÉ 23:3

Cancunata Mandac Dios cancunamanta tucui cai llactacunapi causaccunata imata ruhuashcataca cancunallatacmi ricurcanguichic. Chaica, cancunata Mandac Diosmi cancunamanta chai llactacunapi causaccunahuanca macanacurca.

JUECES 15:15

Sansonca cunanlla huañushca burro jazhata tarishpami huaranga filisteocunata huañuchirca.

JUECES 3:31

Aod huañushca quipaca Anatpac churi Samgarmi sucta patsac filisteocunata huagrata tucsina puyahuan huañuchirca. Chashnami paipish israelcunataca chai llaquimanta llucchirca.

1 SAMUEL 14:6

Jonatanca paipac escudota apac runataca: —Circuncisionta mana ruhuashca soldadocunapac ladoman pasashun. Mandac Diosca ñucanchicta ayudangapishchari. Mandac Diospacca imapish mana sinchichu. Ñucanchic achca cacpipish ashalla cacpipish paica mishachingami— nirca.