JOSUÉ 23:1 - Dios Rimashcata Quillcashcami

¹ Mandac Dios israelcunata paicunapac muyundipi causac piñaccunamanta samachishca tauca huatacuna quipami, Josueca tauca huatayuc, ña yuyac cashpa,

JOSUÉ 23:1 Iomraidhean Croise

GÉNESIS 25:8

Abrahamca achca huatacunata causashpa, yallita yuyacyashpami, paipac samaita chingachishpa huañurca. Chashna huañushpami, paipac aillucunahuan tandanacugrirca.

1 REYES 1:1

Jatun mandac David ña achca huatacunata charishcamanta yallita yuyac cacpica, catacunahuanmi pilluchircacuna, shina pilluchicpipish, manatac cunuricchu carca.

1 CRÓNICAS 23:25

Davidca: «Israelcunata Mandac Diosmi pai acllashca israelcunamanca sumac causaita cushpa samachishca. Paica huiñaitami cai Jerusalenpi causanga.

1 CRÓNICAS 27:1

Israel huasi ucupurata mandaccuna, huaranga soldadocunata mandaccuna, patsac soldadocunata mandaccunata mandaccunami tiyarca. Chai mandaccunami huatapi cada quilla mashna yaicuc, mashna llucshic soldadocunata ricushpa, jatun mandacta serviccuna carca. Chai cada tandanacushca soldadocunaca ishcai chunga chuscu huarangami carca.

2 CRÓNICAS 14:1

Abías huañushpa paipac ñaupa taitacunahuan tandanacugricpica, Davidpac pueblopimi enterrarca. Paipac randica paipac churi Asami mandai callarirca. Chai llactapi causaccunaca pai alli mandacpimi chunga huatata sumacta causarcacuna.

2 CRÓNICAS 14:5

Shinallatac Judá llactapi cac pueblocunamantaca lomacunapi tiyac altarcunatapish, imamanpish riccha dioscunatapish chingachircami. Pai mandacui punzhacunapica casilla sumac causaimi chai llactapica tiyarca.

2 CRÓNICAS 20:30

Tucui muyundi llactacunapi causaccuna llaquichinamanta Mandac Dios huacaichishpa, sumac causaita cucpimi, Josafat mandacucpica, macanacuica mana tiyarca.

SALMOS 46:9

Tucui llactacunapi macanacuita tucuchishpami, arcocunatapish, lanzacunatapish paquishpa tucuchishca. Macanacuna carretacunatapish tucuimi ninapi rupachishca.

ISAÍAS 63:14

Mandac Diospac Espiritumi pugru pambaman shamuc animalcunata shina michirca. Chashnami cambac shutita sumaimana cachun, can acllashcacunataca michircangui.

DEUTERONOMIO 31:2

«Ñucaca patsac ishcai chunga huatayucmi cani. Chaimanta maiman yaicunatapish, llucshinatapish mana pudinichu. Chaipac jahuapica Mandac Diosllatacmi: “Canca mana Jordán yacutaca pasanguichu” nirca.

JOSUÉ 11:23

Mandac Dios Moisesta mandashca shinallatacmi Josueca tucui chai llactata japirca. Chai llactacunataca Israel aillucuna mashna aillu cashca shinallatacmi, chaupishpa curca. Shinami chai llactaca ña mana macanacui tiyacpi samarirca.

JOSUÉ 13:1

Josueca achca huatayuc, ña yuyac cacpimi, Mandac Diosca: «Canca ña unai huatacunata causashpa, ña yuyacmi cangui. Shina cacpipish, achca llactacuna japina tiyanracmi.

JOSUÉ 21:44

Mandac Diosca ñaupa taitacunaman ari nishca shinallatacmi tucui chai llacta muyundipi cushilla causaita curca. Shinami tucui israelcunata piñaccunaca maijanpish macanacungapac mana shayarirca. Chai piñaccunataca Mandac Diosmi tucui israelcunapac maquipi churarca.

JOSUÉ 22:4

Cancunata Mandac Diosca pai nishca shinami, cancunapac huauquicunamanca cushi causaita cushca. Cunanca Jordán yacu chimba ladopi Mandac Diosta servic Moisés cancunaman cushca llactaman, cancunapac carpacunaman cutichiclla.

1 SAMUEL 12:2

Riquichic, cunanca cai jatun mandacmi cancunapac ñaupata ringa. Ñucaca ña yuyac, yurac accha jundami cani. Shina cacpipish, ñuca churicunaca cancunahuanmi. Ñucaca huambramanta pacha cunan punzhacamanmi cancunataca pushacushcani.