JOSUÉ 22:9 - Dios Rimashcata Quillcashcami

⁹ Shinami Rubenpac, Gadpac aillucunapish, Manasespac chaupi aillupish Canaán llactapi cac Silo pueblopi israelcunamanta caruyashpa, paicunapac Galaad llactaman cutimurca. Chai llactataca Mandac Dios Moisesta mandashca shinami, paicuna causachun curca.

JOSUÉ 22:9 Iomraidhean Croise

2 SAMUEL 2:9

Chaiman pushashpami Galaad llactata, Gesuri llactata, Jezreel pueblota, Benjamín llactatapish, Efraín llactatapish, shinallatac tucui israelcunata mandac cachun churarca.

1 CRÓNICAS 5:9

Galaad llactapi achca animalcunata charishcamantami, inti llucshina ladoman rishpa Eufrates jatun yacu ladopi tiyac shitashca pambahuan tupanacuiman causarcacuna.

SALMOS 60:7

Galaad llactapish, Manasés llactapish ñucapacmi. Efraín llactaca ñuca umapi churarina fierromi. Judá llactaca ñuca churashca mandacmi.

NÚMEROS 32:1

Rubenpac, Gadpac aillucunaca achca animaltami charirca. Paicunaca Jazerpac, Galaadpac allpaca animalcunata mirachingapac alli cashcatami ricurca.

NÚMEROS 32:20

Shina nicpimi Moisesca: —Cancuna nishca shina, Mandac Diospac ñaupata macanacungapac richiclla.

NÚMEROS 32:22

Ña tucui chai allpata caishuc israelcunaman japishca quipaca cutimunguichiclla. Cancuna ruhuashun nishcata Diospac ñaupapipish, israelcunapac ñaupapipish pactachishpaca, ima llaquitapish mana apanguichicchu. Cancuna chashna ruhuacpica, cai allpaca Mandac Diospac ñaupapi cancunapacmi canga.

NÚMEROS 32:26

Ñucanchic huahuacuna, huarmicuna, animalcunaca cai Galaad llacta pueblocunapimi saquiringa.

NÚMEROS 32:29

—Gadpac, Rubenpac aillupuramanta cac israelcuna Mandac Dios mandashca shina, cancuna allpata japingacaman Mandac Diospac ñaupata macanacunahuan macanacungapac cancunahuan pacta Jordán yacuta pasacpica, cai Galaad llactata cunguichic.

DEUTERONOMIO 3:18

Chai huatacunapica cancunataca: “Mandac Diosmi cai llactacunata curca. Tucui macanacuc runacunaca cancunapac huauqui israelcunapac ñaupata richic.

DEUTERONOMIO 3:20

Mandac Dios cancunaman allpata cushpa, sumac causaita cushca shinallatac cancunapac huauquicunapish Jordán yacumanta chimba ladopi cac llactata japingacaman chaipi saquirichic. Chai quipami ñuca cushca llactaman cutinguichic” nishpami cacharcani.

DEUTERONOMIO 34:1

Moisesca shitashca pamba Moabmanta rishpaca, Jericomanta chimbapurapi cac Nebo urcuman rishpami, Pisga urcu jahuaman chayarca. Mandac Diosca Galaad llactamantaca Danpac llactacamanmi tucui llactata ricuchirca.

JOSUÉ 13:11

Galaad llactatapish gesurcuna, maacateocuna causana llactatapish, Hermón urcutapish, shinallatac tucui Basán llactatapish Salca pueblocamanmi curca.

JOSUÉ 13:25

Paicunapac allpaca Jazer pueblomanta Galaad llacta tucui pueblocunapish, Amón chaupi llactapish, Rabá pueblo chimba ladopi cac Aroer pueblocamanmi carca.

JOSUÉ 13:31

Basán llactata mandac Og mandacushca chaupi Galaad llactatami Astarot, Edrei pueblocunandi Manasespac churi Maquirpac chaupi ailluman, paicuna mashna cashcata ricushpa curca.

JOSUÉ 22:10

Rubenpac, Gadpac aillucunapish, Manasespac chaupi aillupish, Canaán llacta Jordán yacu lindero ladoman chayashpaca, chai Jordán yacu ladopimi shuc jatun altarta ruhuarca.

JUECES 20:1

Tucui israelcunami Dan pueblomanta Beerseba pueblocaman llucshishpa Mizpa pueblopi Mandac Diospac ñaupapi shuc shinalla tandanacurca. Chaipica Galaad llactapi causac gentecunacamanmi carca.

JUECES 5:17

Galaad aillucunaca Jordán yacu chimbapimi causangapac saquirirca. Dan aillucunaca ¿Ima nishpatac barcocuna ladopi saquirirca? Aser aillupish mama cucha ladopimi saquirirca. Barcocuna shayana pueblomantaca mana cuyurishpami chaipi causai callarirca.