JOSUÉ 22:5 - Dios Rimashcata Quillcashcami

⁵ Cancunaca Mandac Diosta servic Moisés mandashcata yuyarashpa pactachinguichic. Moisés mandashpaca: “Cancunata Mandac Diosta cuyanguichic, Dios munashca shina causashpa, paillatac catiranguichic. Shinallatac tucui shunguhuan, tucui almahuan servishpa causanguichic” nishcami» nirca.

JOSUÉ 22:5 Iomraidhean Croise

SALMOS 106:3

Maijanpish cashcata ruhuashpa, allita ruhuashpa causacca yallita cushicuchun.

SALMOS 78:7

Chashna yachashpa Diospi shunguta churachun. Dios ruhuashcacunata ama cungarishpa, pai mandashcacunata pactachichunmi mandarca.

ÉXODO 15:26

Chaimantami paica: —Cancunapac Mandac Dios ñuca nishcata alli uyashpa, ñucapac ñaupapi imatapish cashcata ruhuashpa, mandashcacunata tucui shunguhuan uyashpa, tucuita ruhuacpica, Egiptoman cachashca shina ungüitaca cancunapacmanca manatac cachashachu. Ñucaca cancunata jambic Mandac Diosmi cani— nirca.

ÉXODO 20:6

Ashtahuanpish ñucata cuyashpa, ñuca mandashcata cazuccunataca huaranga huaranga miraicamanmi cuyasha.

ÉXODO 23:13

Tucui ñuca nishcacunata pactachingui. Ruhuashcalla dioscunata ama mañanguichu, paicunapac shutitapish ama rimanguichu.

ÉXODO 23:25

Canta Mandac Diosta servingui. Ñucami tandatapish, yacutapish bendiciasha. Shinallatac ñucami tucui ungüicunata canmanta anchuchisha.

PROVERBIOS 4:23

Tucuimanta yallica cambac shunguta cuidangui. Shungumantami causaica tiyan.

ISAÍAS 55:2

¿Imapactac cullquitaca manapish micunapi tucuchinguichic? ¿Imapactac manapish huicsa pactata micungapac trabajanguichic? Ñuca rimashcata alli uyaichic. Allillata micuichic. Chashna micushpami, cushilla shungu canguichic.

JEREMÍAS 12:16

Chai llactapi causaccunaca ñuca acllashcacunataca Baal diospac shutipi ari ninatami yachachirca. Chashna yachachishca cashpapish, ñuca acllashcacunahuan pacta: “Mandac Dios ñucapac shutipi” ari ninga. Chashna causashpami ñuca acllashcacunapac chaupipi alli causanga.

SAN MATEO 22:37

Shina nicpimi Jesusca: —“Canta Mandac Diosta tucui shunguhuan, tucui almahuan, tucui yuyaihuan cuyangui” ninmi.

SAN MATEO 4:10

Shina nicpimi Jesusca: —¡Anchuri caimanta Satanás! Dios quillcachishcapica: “Canta Mandac Diosllata alli ningui, paillata servingui” ninmi— nirca.

SAN MATEO 6:24

Maijanpish ishcai amotaca mana servi pudinchu. Chaica, shuc amotaca piñangami, caishuctaca cuyangami. Shuc amo mandashcataca cazungami, cutin caishuc amo mandashcataca mana cazungachu. Chashnami maijanpish charicyana yuyailla cashpaca, Diostaca mana servi pudinga.

SAN LUCAS 1:74

Ñucanchic imata mana manchashpa, paipacta ruhuac cachunmi, piñaccunapac maquimanta cacharichinga.

SAN JUAN 12:26

Maijanpish ñucata servisha nicca ñucata catichun. Ñucata servicca maipimi ñuca cani, chaipimi canga. Maijanpish ñucata servictaca ñuca Taitami alli ninga.

SAN JUAN 14:15

Ñucata cuyashpaca, ñuca mandashcacunata cazunguichic.

HECHOS 11:23

Bernabé chaiman chayashpaca, Diosca yallita cuyashpa, quishpichishcata ricushpami cushicurca. Tucui criccunatami Apunchic Jesusllata tucui shunguhuan cazuchun rimarca.

HECHOS 27:23

Cunan tutami ñuca alli nina Diospac ángel ñucahuan carca.

ROMANOS 1:9

Ñuca cancunamanta punzhanta mañacushcataca Diosllatac yachanmi. Ñucaca paipac Churimanta huillashpami, tucui shunguhuan Diosta servini.

ROMANOS 12:9

Mana nic tucushpalla caishuc chaishuc-huan cuyanacuichic. Imapish mana alli ruhuanacunata saquishpa, allita ruhuana yuyailla caichic.

ROMANOS 8:28

Diosca, paita cuyaccunataca tucui ima ruhuanapipish allitami pushan. Paicunaca Dios munashcata ruhuangapac acllashcacunami.

DEUTERONOMIO 10:20

Mandac Diosta manchanguichic, paita servinguichic, paillata catinguichic, paillata servinguichic. Paipac shutipi ima ari nina cacpica, ari ninguichic.

DEUTERONOMIO 11:1

Cancuna Mandac Diosta cuyanguichic. Pai mandashcacunata, pactachinacunata, yachachishcacunata punzhanta cazunguichic.

DEUTERONOMIO 11:13

Cunan ñuca yachachishca cazushpa, Mandac Diosta tucui shunguhuan, tucui almahuan servishpa, paita cuyacpica,

DEUTERONOMIO 11:22

Mandac Diosta cuyashpa, ñuca yachachishca mandashcacunata pactachishpa, Mandac Diosllata catinguichic.

DEUTERONOMIO 13:4

Mandac Diosllata catinguichic. Paita manchanguichic. Pai ima nishcata uyashpa, pai mandashcacunata pactachinguichic. Paillata servishpa catinguichic.

DEUTERONOMIO 4:29

Shina cashpapish, chai llactacunapi cashpa, tucui shunguhuan, tucui yuyaihuan Mandac Diosta mañashpaca taringuichicmi.

DEUTERONOMIO 4:4

Ashtahuanpish cancunaca, Mandac Diosta tucui shunguhuan catishcamantaca causacunguichicmi.

DEUTERONOMIO 4:6

Cai mandashcacunata cazunguichic. Chashna cazushpa causashpami cancunaca alli yuyaiyuccuna, alli yachaccuna canguichic. Chashna cacpimi, cai pachapi causaccunaca: “¡Cai gentecunaca alli yachac, alli yuyaiyuccunami!” ninga.

DEUTERONOMIO 4:9

Chaimanta alli cuidaringuichic. Cambac ñahuihuan ricushcacunata ama cungarishpa, yuyarashpa causanguichic. Tucui causaipi cambac shungupi huacaichishca shina causaichic. Huahuacunamanpish, nietocunamanpish yachachinguichic.

DEUTERONOMIO 5:10

Ashtahuanpish ñucata cuyashpa, ñuca mandashcacunata cazuccunataca huaranga huahua huahuacaman cuyacmi cani.

DEUTERONOMIO 6:17

Mandac Dios mandashcacunatapish, pactachinacunatapish, yuyarashpa allita cazunguichic.

HEBREOS 12:15

Pipish Diospac cuyaimanta ama caruyachun cuidanguichic. Maijanpish jayac yura shina gentecunata muspachishpa llaquichichun ama saquinguinchicchu.

SANTIAGO 1:12

Imapish millai munaicuna shamucpi, chaita mishacca mai cushillami can. Chashna mishacmi Dios paita cuyaccunaman cusha nishca causaita cuc coronata japinga.

SANTIAGO 2:5

Ñuca cuyashca criccuna: Diosca cai pachapi imata mana chariccunataca, crishcahuan chayuc tucuchun, Dios maipi mandacucpi paita cuyaccuna Pai cusha nishcata japichunmi, chashnaca acllarca.

JOSUÉ 23:8

Cunancaman caticushca shinallatac cancunata Mandac Diosllatac catinguichic.

APOCALIPSIS 15:3

Chaipica Diospacta ruhuac Moisespac cantota, shinallatac Pactalla Ovejapac cantotapish cashna nishpami cantacurcacuna: «¡Tucui imatapish ruhuac Mandac Dioslla! Can tucui ima ruhuashcacunaca sumaimana jatunmi. ¡Tucui llactacunata Mandac Dioslla! Canca imatapish allita, shinallatac imapish cashcallatami ruhuangui.

1 SAMUEL 12:20

Shina nicpimi Samuelca: —Ama manchaichicchu. Ari cunanca cai tucui juchatami ruhuarcanguichic. Shina cacpipish, chai tucuita ruhuashcamantaca cunanca, Mandac Diosta catinataca mana saquishpami, tucui shunguhuan servina canguichic.

1 SAMUEL 12:24

Mandac Diosllatac manchashpa, tucui shunguhuan servishpa causaichic. Cancunamanca Mandac Diosca achca allicunata ruhuashcataca allitami yuyarina canguichic.

1 SAMUEL 7:3

Chaimantami Samuelca israelcunataca: —Mandac Diosman tucui shunguhuan cutirishpaca ruhuashcalla shuctac dioscunata, Astarot huarmi diostapish cancunamanta anchuchinguichic. Chai quipaca shungumanta allichirishpa Mandac Diosllatac servishpa causanguichic. Chashna causacpimi, filisteocunapac maquimantaca cacharichinga— nirca.