JOSUÉ 21:8 - Dios Rimashcata Quillcashcami

⁸ Israelcunaca Mandac Dios Moisesta mandashca shinallatacmi suerteta ruhuashpa, levitacunamanca pueblo lado michina pambacunandi curca.

JOSUÉ 21:8 Iomraidhean Croise

GÉNESIS 49:5

Simeonpish, Levipish huauquindimi huañuchic macanacuna shina, millai canguichic.

GÉNESIS 49:7

Cancuna piñarishcamantaca mana alli nishcami canguichic. Cancunaca Jacobopac familiamanta chicanyachishcami canguichic. Israelpuramantapish caita chaita rishpami causanguichic.

PROVERBIOS 16:33

Mizapimi suertetaca ruhuancuna. Shina cacpipish Mandac Diosmi imata ruhuanataca ricuchin.

PROVERBIOS 18:18

Suerteta ruhuacpimi, piñanacuica tucurin. Shinallatac poderta chariccunapurami imata ruhuanataca yuyarincuna.

NÚMEROS 32:2

Chaimantami Rubenpac, Gadpac aillucunaca Moisespacman, Eleazar curapacman, israelcunata pushaccunapacman parlangapac rirca.

NÚMEROS 33:54

Allpataca cancunapac aillucuna mashna cashca shinallatac suerteta ruhuashpa chaupinguichic. Achca aillucuna cashpaca, achcata allpata japinguichic. Ashalla cashpaca, ashalla allpata japinguichic. Maipimi paicunaman suerte urman chaipimi japina canguichic.

NÚMEROS 35:3

Chashna cucpimi, paicuna causangapac llactacunatapish, pueblo muyundi pambacunatapish huagracunata, tucui shuctac animalcunata michingapac charinga.

JOSUÉ 18:6

Cancunaca allpa ima shina cashcata ricushpa, canchis partepi chaupishpa ñucaman huillangapac shamunguichic. Chaitaca ñucanchicta Mandac Diospac ñaupapi suerteta ruhuashpami cancunaman cusha.

JOSUÉ 21:3

Shina nicpimi, israelcunaca paicunapac llacta pueblocunata Mandac Dios mandashca shina, michina pambacunandi levitacunaman curca.

JOSUÉ 21:7

Shinallatac Meraripac aillumanca paicuna mashna cashcata ricushpami Rubenpac, Gadpac, Zabulonpac aillucunapac llactacunamanta suerteta ruhuashpa, chunga ishcai pueblocunata curca.

JOSUÉ 21:9

Judapac, Simeonpac aillucunapac llactacunamantaca cai pueblocunatami levitacunaman curca.