JOSUÉ 2:5 - Dios Rimashcata Quillcashcami

⁵ Ña tuta cacpi, cai pueblo pungu huichcarigricpimi, chai runacunaca llucshishpa rircacuna. Paicuna maiman rishcatapish, mana yachanichu. Paicunata utca catishpa richic, japinguichicmi— nirca.

JOSUÉ 2:5 Iomraidhean Croise

NEHEMÍAS 13:19

Samana punzha manarac callari chishimanta, samana punzha tucuringacamanmi Jerusalén pungucunataca huichcachun mandarcani. Shinallatac samana punzhacunapi pipish ama aparishca yaicuchunmi ñucapac maijan cuidaccunata churarcani.

ISAÍAS 60:11

Llacta pungucunaca punzhantami pascashca canga. Tutapish, punzhapish mana huichcashcachu canga. Shuctac llactamanta ima charishcacunata apamuchun, chai llactacunata jatun mandaccunata cambacman pushachunmi chashnaca pascashca canga.

JEREMÍAS 50:20

Ñucallatac causachun saquishca israelcunapac juchacunataca perdonashami. Chaimantami chai punzhacunapi, chai huatacunapica israelcunapish, Judá runacunapish jucha illac cangacuna. Paicunapica juchaca mana tiyangachu. Chaitaca Mandac Dios ñucami nini.

EZEQUIEL 47:12

Cutin cai ishcai yacucuna patapica caishuc ladomanpish, chaishuc ladomanpish chican granocunata pucuc yuracunami huiñanga. Pangacunapish mana urmangachu, micunapish chai yuracunapica mana tucuringachu. Ashtahuanpish cada quillami mushuc granota pucunga. Chai yacucunaca Diospaclla huasimantami llucshicunga. Chaimantami chai yuracunapi granoca pucuna punzhacunallapitac pucunga. Granoca micungapac, pangacunaca jambiringapacmi alli canga.

JOSUÉ 2:4

Ashtahuanpish, chai runacunata chasquishpa, pacashpa charicuc huarmica: —Ari, ñuca huasiman shamurcacunami. Paicuna maimanta cashcataca, mana yacharcanichu.

JOSUÉ 2:6

Ashtahuanpish chai runacunataca huasi jahuaman huichicuchishpami, lino chaquichishca ucupi pacarca.

JOSUÉ 2:7

Chai catic runacunaca Jordán yacuman rina ñanta catishpami, chai yacu ladocaman rircacuna. Chai caticcuna llucshincami chai punguca huichcarirca.

APOCALIPSIS 21:25

Chai pueblopi tuta mana tiyacpi punzhalla cacpimi, pungucunapish jaicapi mana huichcaringa.

1 SAMUEL 19:14

Saúl cachashca runacuna Davidta japingapac chayacpimi Micalca: —Davidca ungushcami— nirca.