JOSUÉ 2:16 - Dios Rimashcata Quillcashcami

¹⁶ Chashna uricuchishpaca: —Mashcashpa caticcuna cancunahuan ama tupachunca, urcuman richic. Cancunata caticcuna cutimungacaman quimsa punzhata chaipi miticugrichic. Chai quipaca, cancunapac ñanta catishpa ringuichicllami— nirca.

JOSUÉ 2:16 Iomraidhean Croise

SALMOS 11:1

Mandac Diospimi miticuni. Yangallami ñuca almataca: Volashpa ric animalcuna shina urcupi miticugri ninguichic.

SANTIAGO 2:25

Chai shinallatacmi huainayashpa causac Rahabtapish, chai llactata pacalla ricungapac shamuccunata huasipi chasquishpa shuc ñanta cachashcamanta, Diosca “cashcata ruhuacmi” nishpa chasquirca.

JOSUÉ 2:15

Shina nicpimi, chai huarmica huascahuan huatashpa, ventanata uricuchirca. Chai huasica pueblo muyundi jatun pirca jahuapimi carca.

JOSUÉ 2:22

Paicuna chaimanta rishpaca, urcuman chayashpami, caticcuna cutingacaman quimsa punzhata miticushpa carcacuna. Paicunata caticcunaca tucui ñancunata mashcashpapish, mana tarircacunachu.

1 SAMUEL 23:14

Shinami Davidca shitashca pamba Zif urcucunaman rishpa pirca huashacunapi miticushpa causacurca. Saulca punzhanta mashcacucpipish Diosca Davidtaca mana paipac maquipi churarcachu.

1 SAMUEL 23:29

Chaimantami Davidca chaimanta huichai rishpa, maita mana chayaipac shitashca En-gadi pamba quingraicunapi miticushpa causagrirca.