JOSUÉ 18:7 - Dios Rimashcata Quillcashcami

⁷ Ashtahuanpish levitacunaca mana japingachu. Paicuna japinaca Mandac Diospaclla cura canami. Rubenpac, Gadpac aillucunapish, Manasespac chaupi aillupish Jordán yacumanta inti llucshina ladopi cac allpatami ña japirca. Chai allpataca Mandac Diosta servic Moisesmi curca— nirca.

JOSUÉ 18:7 Iomraidhean Croise

NÚMEROS 18:20

Mandac Diosca Aarontaca: «Canca israelcunapac llactapica allpatapish mana japinguichu. Shinallatac israelcunahuanca imata mana japinguichu. Israelpurapica can japina allpa shinaca ñucami cani.

NÚMEROS 18:23

Levitacunallami ñucahuan tupana huasipica servinga. Israelcuna chai ucuman yaicushpa juchallicpica, paicunami juchanchishca canga. Caica cambac huahua huahuacunamanmi huiñaita quillcashpa mandashca canga. Levitacunaca israelcunapurapica ima allpata mana japingachu.

NÚMEROS 18:7

Altar ucupi curacuna ruhuanataca cambac churicunallahuanmi ruhuana canguichic. Shinallatac pañohuan jarcachishca ucupipish cancunallatacmi ruhuana canguichic. Maijanpish chaiman yaicushpaca huañungami. Curacuna ruhuanataca cancunamanmi cuni» ningui nirca.

DEUTERONOMIO 10:9

Chaimantami levitacunaca paicunapac huauquicunapurapica imata mana japinga. Mandac Dios nishca shinami, paicuna japinaca Mandac Dios can.)

JOSUÉ 12:6

Chai jatun mandaccunatami Mandac Diosta servic Moisespish, israelcunapish atirca. Chai llactacunatami Mandac Diosta servic Moisesca Rubenpac, Gadpac aillucunaman shinallatac Manasespac chaupi ailluman curca.

JOSUÉ 13:33

Ashtahuanpish Moisesca Levipac aillumanca allpata mana curcachu. Paillatac nishca shinaca israelcunata Mandac Diosmi paicunapac japina shinaca.