JOSUÉ 18:3 - Dios Rimashcata Quillcashcami

³ Chaipimi Josueca israelcunataca: —Cancunapac ñaupa taitacunata Mandac Dios cushca allpataca, ¿ima horacamantac mana japishpa puricunguichic?

JOSUÉ 18:3 Iomraidhean Croise

PROVERBIOS 10:4

Quilla runapac maquica huacchayachinmi. Ashtahuanpish runapac maquica chayucyachinmi.

PROVERBIOS 13:4

Quilla runaca imata munacushpapish mana japingachu. Ashtahuanpish cusi runaca paipac munashcatami japinga.

PROVERBIOS 15:19

Quilla runapac ñanca cashahuan jarcashca shinami. Ashtahuanpish allita ruhuaccunapac ñanca rumihuan sumacta ruhuashca ñanmi.

ECLESIASTÉS 9:10

Cambac maquiman tucui shamushcata tucui fuerzahuan ruhuailla. Can rina Seolpica imata ruhuanapish, imata yuyarinapish, imata yachacunapish, alli yachaipish mana tiyanchu.

SOFONÍAS 3:16

Chai punzhapica Jerusalenpi causaccunataca: “¡Sión llactalla, ama manchaichicchu, cancunapac maquipish ama fuerza illac saquirichun!” ningami.

SAN MATEO 20:6

Cutinllatac pichca pacha chishita plazaman rishpapish, taucacuna yangalla tiyacuctami ricurca. Chashna ricushpaca: “¿Ima nishpatac cancunaca yanga tucui punzha caipi canguichic?” nirca.

SAN JUAN 6:27

Cancunaca ama chingariclla micunata mashcaichicchu, ashtahuanpish huiñai causaita cuc micunata mashcaichic. Chai micunataca Runa Tucungapac shamushca ñucallami cusha. Chaita cuchunmi Diosca ñucataca cacharca— nirca.

JOSUÉ 1:6

Ama manchaichu, ashtahuanpish sinchi cai. Canmi ñaupa taitacunaman ñuca cungapac ari nishca allpataca cai tucui gentecunaman chaupishpa cungui.

JOSUÉ 13:1

Josueca achca huatayuc, ña yuyac cacpimi, Mandac Diosca: «Canca ña unai huatacunata causashpa, ña yuyacmi cangui. Shina cacpipish, achca llactacuna japina tiyanracmi.

JOSUÉ 18:2

Shina cashpapish Israelpuramanta canchis aillumanca manarac allpata chaupishpa cushcachu carca.

JOSUÉ 18:4

Llactacunaman rishpa, allpata ricugrichun, ñuca cachangapac cada aillucunamanta quimsa runacunata acllaichic. Paicuna rishpami tucui allpata purishpa, ima shina cashcata ñucaman huillanga. Ñucami paicuna mashna cashcata ricushpa, paicuna japichun cusha.

JUECES 18:9

Shina tapucpi paicunaca: —¡Chai allpataca ricugrircanchicmi. Chai allpaca sumacmi cashca. Chaimanta jatarishpa chai allpata quichungapac huichai rishunchic! Cancunaca ima nishpatac casilla saquiringuichic. Chai llactata ñucanchic japingapac utca jacuchiclla. Ama upalla saquirichicchu.