JOSUÉ 18:12 - Dios Rimashcata Quillcashcami

¹² Paicunapac allpaca jahua ladomanca Jordán yacumanta callarishpa Jericó pueblo jahua ladocamanmi carca. Chaimantaca inti tigrana ladomanca urcu ladota huichai rishpami Bet-avén shitashca pambacaman carca.

JOSUÉ 18:12 Iomraidhean Croise

OSEAS 10:5

Samariapi causaccunaca Bet-avenpi tiyac beci dioscunatami manchanga. Chaipi causaccunapish duelo churanatami churaringa. Chai beci diosta sumaimanami cangui nic curacunapish chai dioscunata apacpi, yallitami huacanga.

OSEAS 4:15

Israelcunalla, cancuna huainayacpipish, Judá llactapi causaccuna mana juchallishpami alli canman. ¡Gilgalmanpish ama yaicuichicchu! Bet-avenmanpish ama huichai richicchu. Shinallatac ama: “¡Mandac Diospac shutipimi ari nini!” ninguichicchu.

OSEAS 5:8

¡Gabaapica cornetapi tocaichicyari! ¡Ramapica trompetapi tocaichicyari! Bet-avenpi caparishpa: “¡Efraín aillulla chucchuichicyari!” nishpa caparichicyari.

JOSUÉ 16:1

Josepac churicunaman suerteta ruhuashpa, allpata cushcaca inti llucshina ladomanca Jericó pueblo lado Jordán yacumantaca Jericó yacuta catishpa, chai pueblo lado shitashca pambata urcu ladoman huichai rishpa, Bet-el pueblocamanmi carca.

JOSUÉ 18:11

Benjamín ailluman paicuna mashna cashcata ricushpa, suerteta ruhuashpa, cushca allpaca Judá aillupac llactahuan Josepac churicunapac llactahuan tupanacuipimi carca.

JOSUÉ 2:1

Nunpac churi Josué ishcai runata Sitim pambamanta pacalla ricumuchun cachashpaca: «Chai llactatapish, Jericó pueblotapish imalaya cashcata allita ricumugrichic» nirca. Paicuna rishpaca, huainayashpalla causac Rahab huarmipac huasiman chayashpami, chaipi pacarirca.

JOSUÉ 3:16

jahuamanta shamuc yacuca Saretán pueblo ladopi tiyac Adam pueblomanta ashtahuan carupimi tandarishpa saquirirca. Shinami Arabá cuchaman, Cachi Cuchaman ric yacuca chaupirishpa chaquirirca. Shina tucucpica, israelcunaca Jericó puebloman pasarcacunallami.

JOSUÉ 6:1

Jericó pueblopi causaccunaca israelcunata manchashpami, puebloman yaicuna pungutapish alli huichcarca. Chaimantaca pipish mana llucshircachu, shinallatac mana yaicurcachu.

JOSUÉ 7:2

Chai quipami Josueca Jericó pueblomanta Hai puebloman runacunata cacharca. Chai puebloca Bet-el pueblomanta inti llucshina ladopi tiyac Bet-avén pueblo ladollapimi carca. Chaiman cachashpaca: «Huichai rishpa, chai llactata ricugrichic» nirca. Shina nicpi, Hai pueblota ricushpa,

JOSUÉ 8:15

Josueca tucui israelcunandimi miticushpa callpacuc shina, paicunapac ñaupamanta shitashca pambata callparca.

1 SAMUEL 13:5

Chaimantami filisteocunapish, israelcunahuan macanacungapac quimsa huaranga carretacunahuan, sucta huaranga caballopi ric soldadocunahuan, shinallatac mama cuchapi tiyac tiyu shina mana yupaipac achca gentecunahuan tandanacurca. Paicunaca Micmas puebloman huichai rishpami, carpa huasicunata shayachishpa tiyarircacuna. Chai puebloca Bet-avén pueblomantaca inti llucshic ladomanmi saquirin.