JOSUÉ 17:1 - Dios Rimashcata Quillcashcami

¹ Manasesca Josepac punta churimi carca. Chaimantami Manasespac aillumanca suerteta ruhuashpa Galaad, Basán llactacunata curca. Manasespac punta churica Maquirmi carca. Paica Galaad llactapi causaccunapac taitami carca. Macanacunatapish allita yachacmi carca.

JOSUÉ 17:1 Iomraidhean Croise

GÉNESIS 41:51

Chai punta churitaca: «Diosmi ñuca llaquicunatapish, ñuca taitapac huasi ucupuracunatapish cungachishca» nishpami, Manasesta shutichirca.

GÉNESIS 41:52

Quipa churitaca: “Diosmi ñuca llaquita apashca llactapi churicunayucta ruhuashca” nishpami, Efrainta shutichirca.

GÉNESIS 46:20

Joseca Egiptopi causacushpami, Asenat huarmipi Manasés, Efraín churicunata charirca. Asenatca On llactapi causac Potiferapac ushimi carca.

GÉNESIS 48:17

Shina paipac taita alli maquita Efrainpac umapi churacpica, Josemanca mana alli ricurircachu. Chaimantami Joseca paipac taitapac maquitaca Efrainpac umamanta anchuchishpa, Manasespac uma jahuapi churashpa,

GÉNESIS 48:18

paipac taitataca: —Mana taitito, mana chashnachu, paimi punta churi. Cambac alli maquitaca paipac uma jahuapi churai— nirca.

GÉNESIS 50:23

Chaimantami Efrainpac churicuna quimsa miraicaman mirashcata ricsirca. Chashnallatac Manasespac churi Maquirpac huahuacunapish paipac maquipimi huiñarca.

2 SAMUEL 2:9

Chaiman pushashpami Galaad llactata, Gesuri llactata, Jezreel pueblota, Benjamín llactatapish, Efraín llactatapish, shinallatac tucui israelcunata mandac cachun churarca.

1 CRÓNICAS 2:23

Shina cacpipish Gesur, Aram runacunami Jairpac pueblocunatapish, Kenat pueblotapish sucta chunga pueblocunata muyundi uchilla llactacunandi japirca. Chaipi tucui causaccunami Galaadpac taita Maquirpac churicuna carca.

EZEQUIEL 47:13

Mandac Diosca: Chunga ishcai Israel aillucunaman allpata chaupishpaca, cai linderocunata churanguichic. Joseca ishcai parte allpatami japinga.

EZEQUIEL 48:4

Neftalí aillupac allpa lindero ladopica, Manasés aillupac allpami inti llucshina ladomantaca inti tigrana ladocaman canga.

NÚMEROS 26:29

Manasespac churicunamantaca: Maquirmanta maquirita aillumi carca. Maquirca Galaad churitami charirca. Cutin Galaadmantaca galadita aillumi carca.

NÚMEROS 27:1

Zelofehadca Heferpac churimi carca. Heferca Galaadpac churimi carca. Galaadca Maquirpac churimi carca. Maquirca Manasespac churimi carca. Manasespac aillucunaca Josepac churicunami carca. Zelofehadpac ushicunaca Magla, Noa, Hogla, Milca, Tirsami carca.

NÚMEROS 32:33

Paicuna shina nicpimi, Moisesca Gadpac, Rubenpac aillucunaman, Josepac churi, Manasespac chaupi aillumanpish amorreocunata jatun mandac Sehón mandacushca, jatun mandac Og mandacushca llactacunata, chai llactacuna ucupi tiyac llactacunandi, llacta muyundi llactacunandi curca.

DEUTERONOMIO 21:17

Piñashca huarmipi charishca churimanmi tucui churicuna japinamanta chaupi yallita punta churi cashcamanta cuna can. Tucui fuerzahuan charishca punta churi cashcamantami punta churi japinataca japina can.

JOSUÉ 17:2

Shinallatac Manasespac caishuc churicunamanpish paicunapac aillucuna mashna cashcata ricushpami suerteta ruhuashpa allpata curca. Manasespac churicunaca Abiezer, Helec, Ezriel, Siquem, Hefer, Semidami carca. Manasesca Josepac churimi carca.

JOSUÉ 22:7

Moisesca Manasespac chaupi aillumanca Basán llactapimi allpata cushca carca. Cutin caishuc chaupi aillumanca Josuemi Jordán yacumanta inti tigrana ladoman paicunapac huauquicunapac chaupipi allpata curca. Paicunatapish bendiciashpami Josueca carpa huasicunaman cacharca.

JUECES 5:14

Efraín aillucunamanta amalecitacunahuan causac maijan macanacuc runacunami shamurca. Quipataca can Benjaminmi cambac macanacuc runacunahuan shamurcangui. Maquirmantaca mandaccunami shamurca. Zabulón aillumantaca mandana varata chariccunami urai shamurca.