JOSUÉ 15:7 - Dios Rimashcata Quillcashcami

⁷ Cutin Acor pugru pambamantaca Debir pueblocaman chayashpa, chaimanta huichaita rishpa, Adumim quingrai chimba ladopi cac Gilgal pueblota muyurca. Chashnami ura lado jatun yacu lado pambacaman carca. En-semes yacuta rishpami En-rogel junducaman carca.

JOSUÉ 15:7 Iomraidhean Croise

2 SAMUEL 17:17

Jonatanpish, Ahimaaspish, Jerusalenman ima shina mana cutimui pudishpami Rogel yacu ladopi carca. Paicunamanca shuc servic huarmimi huillac shamuna carca. Cutin chaitami paicunaca jatun mandac Davidmanca huillagrina carca.

1 REYES 1:9

Ashtahuanpish Adoniasca Rogel yacu ladopi tiyac Zohelet rumi quingrai ladopimi ovejacunata, huagracunata ashtahuan huira shuctac animalcunatapish, huañuchishpa jatun mandacpac churi paipac huauquicunata, jatun mandacta servic Judá gentecunatapish cayarca.

ISAÍAS 65:10

Sarón pambaca ñuca acllashcacuna ovejata michina pamba, Acor pambaca paicunapac huagracuna shayanami tucunga.

OSEAS 2:5

Paicunapac mamaca huainayarcami. Paicunata sajuaricca pingaitami ruhuarca. Paica: “Ñuca cuyashcacunatami catisha. Paicunaca micunatapish, yacutapish, millmatapish, linotapish, aceitetapish, ima ubianacunatapish cunmi” nircami.

JOSUÉ 10:43

Chai quipami Josueca tucui israelcunahuan Gilgal pueblopi tiyac carpa huasicunaman cutirca.

JOSUÉ 15:15

Chaimantaca Debir pueblopi causaccunahuan macanacungapacmi huichai rirca. Chai Debir puebloca puntaca Quiriat-sefer shutimi carca.

JOSUÉ 15:6

Bet-hogla pueblota huichai rishpa, Bet-haarabá pueblotami pasacurca. Chaimantaca Rubenpac churi Bohanpac rumicamanmi huichai rirca.

JOSUÉ 18:17

Chaimantaca jahua ladoman catishpami, En-semes puebloman muyushpa, Adumim huichai rina ñan chimba ladopi cac Gelgal puebloman chayashpa, Rubenpac churi Bohanpac rumicaman carca.

JOSUÉ 4:19

Israelcunaca punta quilla, chunga punzhapimi Jordán yacuta pasashpa, Gilgal pueblo lado pambapi carpacunata shayachishpa tiyarirca. Gilgal puebloca Jericó pueblomantaca inti llucshina ladomanmi carca.

JOSUÉ 7:24

Chai quipaca, Josueca tucui israelcunahuan tandanacushpami Zerapac churi Acanta japishpa, pai shuhuashca cullquindi, jahualla churanandi, curi barrandi, paipac churicunandi, ushicunandi, huagracunandi, burrocunandi, ovejacunandi, carpa huasindi, tucui charishcacunandi Acor pambamanmi aparca.

JOSUÉ 7:26

Chashna paita rupachishca jahuapica rumicunatami montonarca. Chai montonca cunancamanmi tiyan. Chashna rupachicpimi, Mandac Diosca pai nina japiric shina piñarishcataca pasachirca. Chaimantami chai pugru pambataca cunan punzhacaman Acor pamba nincuna.