JOSUÉ 15:11 - Dios Rimashcata Quillcashcami

¹¹ Chaimantaca jahua ladota rishpaca, Ecrón pueblota rishpa, Sicrón pueblota, Baala urcuta muyushpami Jabneel pueblota pasashpa mama cuchaman chayarca.

JOSUÉ 15:11 Iomraidhean Croise

2 REYES 1:16

rishpaca: —Mandac Diosca: “Israel llactapi mana Dios tiyacpi shina Ecrón pueblopi tiyac Baal-zebub diosman tapuchun cachashcamantaca, can siricuc camamantaca mana uricunguichu, ashtahuanpish huañunguitacmi” ninmi— nirca.

2 REYES 1:6

Shina nicpimi paicunaca: —Shuc runami ñucanchic-huan tupashpaca: “Cancunata cachac jatun mandacpacman cutishpa, Mandac Diosca: ‘Ecrón pueblopi tiyac Baal-zebub diosman tapuchun cachachunca Israel llactapica, ¿manachu Dios tiyan? Chaimantami can siricuc camamantaca mana uricunguichu. Ashtahuanpish huañunguitacmi’ ninmi” nigrichic— nirca.

2 CRÓNICAS 26:6

Uziasca filisteocunahuan macanacungapac llucshishpaca, Gat, Jabnia, Asdod pueblo muyundi jatun pircacunatami urmachirca. Chai quipaca Asdod llacta muyundipipish, filisteocunapac llactapipish shuctac pueblocunatami shayachirca.

NÚMEROS 34:6

Inti tigrana ladomanca cac linderoca mama cucha huaicutami catinga.

JOSUÉ 15:10

Baala pueblomantaca inti tigrana ladoman tiyac Seir urcu ladomanmi muyucurca. Cutin jahua ladota rishpaca, Jearim urcuta rishpami Quesalón puebloman chayacurca. Chaimantaca Bet-semes puebloman urai rishpami Timna pueblocaman carca.

JOSUÉ 15:12

Inti tigrana lado linderoca mama cuchami. Judá ailluman paicuna mashna churicuna cashcata ricushpa cushca llactacunapac linderoca caicunami carca.

JOSUÉ 15:45

Ecrón pueblocunapish, muyundipi tiyac huasicunapish, uchilla llactacunapishmi carca.

JOSUÉ 15:9

Chai urcu lomamantaca Neftoa Yacu tucyacucman muyushpami Efrón urcu ladopi tiyac pueblocunata pasashpa, Quiriat-jeamir nishca Baala pueblota muyucurca.

JUECES 1:18

Chashnallatac Judá ailluca Gaza pueblotapish, Ascalón pueblotapish Ecrón pueblotapish allpacunandimi japirca.

1 SAMUEL 17:52

Chashna callpacpimi, israelcunapish, Judá llacta gentecunapish caparishpa pugru pambapi tiyac Gat, Ecrón pueblo yaicunacaman filisteocunataca catircacuna. Filisteocuna huañushca cuerpocunaca Saaraim pueblo ñanmantaca Gat Ecrón pueblocunacamanmi siricurca.

1 SAMUEL 5:10

Shina cacpimi, Diospac Arcataca Ecrón puebloman cacharca. Diospac Arcata chai Ecrón puebloman cachacpica, chaipi causaccunaca: «¡Israelcunapac Diospac Arcataca ñucanchictapish, ñucanchic gentecunatapish huañuchunmi ñucanchicpacman apamushca!» nishpa caparirca.

1 SAMUEL 5:8

Chaimantami filisteocunata tucui mandaccunata cayachishpaca: —¿Israelcunapac Diospac Arcataca imatatac ruhuanchic?— nishpa tapurca. Shina nicpimi paicunaca: —Israelcunapac Diospac Arcataca Gat puebloman apachun— nirca. Chaimanmi israelcunapac Diospac Arcataca aparca.

1 SAMUEL 7:14

Filisteocuna macanacushpa israelcunamanta quichushca pueblocunaca Ecrón pueblomanta Gat pueblocamanmi carca. Chai pueblocunatami israelcunaca filisteocunahuan macanacushpa atishpa cutin japirca. Amorreocunahuanpish sumactami causarcacuna.