JOSUÉ 14:9 - Dios Rimashcata Quillcashcami

⁹ Chai punzhapi Moisés ari nishpaca: “Ñucata Mandac Diosta tucui shunguhuan cazushcamantaca maipimi cambac chaqui sarun, chai allpaca cambacpish, cambac cati churicunapacpishmi tucui causaipac canga” nirca.

JOSUÉ 14:9 Iomraidhean Croise

SALMOS 37:9

Chaica millaicunaca chingachishcami canga. Mandac Diosta shuyaccunaca quiquin allpatami japingacuna.

NÚMEROS 13:22

Neguevta huichai rishpaca, Anacpac huahua huahua Ahimán, Sesai, Talmai causana Hebronmanmi chayarca. Hebronca Egiptopi cac Zoán llacta manarac tiyacpi, canchis huata ñaupaman ñami tiyashca.

DEUTERONOMIO 1:36

Ashtahuanpish Jefonepac churi Calebllami chai llactata ricunga. Pai purishca llactataca paiman, shinallatac paipac huahua huahuacunamanmi cusha. Paimi Mandac Dios ñucataca allita catirca” nirca.

DEUTERONOMIO 11:24

Maipimi cancuna sarunguichic, chai llactaca cancunapacmi canga. Cancunapac llactaca shitashca pambamanta Libanocaman, Eufrates yacumantaca inti llucshina lado cuchacamanmi canga.

JOSUÉ 1:3

Ñuca Moisesta nishca shina, cancuna maipimi sarunguichic, chai llactataca cancunaman curcani.

JOSUÉ 14:10

Riqui, cunanca Mandac Diosmi pai nishca shinallatac cunancaman causaita cushca. Shitashca pambapi israelcuna puricui punzhacunapi Mandac Diosca Moisesta chashna nishca punzhamanta cunancamanca chuscu chunga pichca huatacunami tucushca. Riqui, cunanca pusac chunga pichca huatatami charini.

JUECES 1:20

Moisés nishca shinallatacmi Hebrón pueblotaca Calebman curca. Chai pueblomantami paica Anacpac quimsa churicunata llucchishpa cacharca.