JOSUÉ 14:4 - Dios Rimashcata Quillcashcami

⁴ Josepac churicunamantaca ishcai aillucunami tucurca. Chaica Manasés, Efraín aillucunami carca. Levitacunamanca allpata mana curcachu, ashtahuanpish paicuna causachunca pueblo ladocunapi huagracunata, ovejacunata michichunmi asha allpata curca.

JOSUÉ 14:4 Iomraidhean Croise

GÉNESIS 41:51

Chai punta churitaca: «Diosmi ñuca llaquicunatapish, ñuca taitapac huasi ucupuracunatapish cungachishca» nishpami, Manasesta shutichirca.

GÉNESIS 41:52

Quipa churitaca: “Diosmi ñuca llaquita apashca llactapi churicunayucta ruhuashca” nishpami, Efrainta shutichirca.

GÉNESIS 46:20

Joseca Egiptopi causacushpami, Asenat huarmipi Manasés, Efraín churicunata charirca. Asenatca On llactapi causac Potiferapac ushimi carca.

GÉNESIS 48:1

Asha punzhacuna quipa Josemanca: “Cambac taita Jacoboca ungushcami” nishpami huillarca. Chaita uyashpami, Joseca paipac ishcai churi Efraintapish, Manasestapish pushashpa, ricungapac rirca.

GÉNESIS 48:5

Chaica, ñuca manarac cai Egipto llactapi canhuan causangapac shamucpi, cai llactapi huacharishca ishcai churi Efrainpish, Manasespish ñuca quiquin churicunami. Paicunaca ñuca churi Rubén, Simeón shinallatacmi ñuca churicuna can.

GÉNESIS 48:6

Paicunapac quipata charishca churicunami cambacca canga. Efrainpac, Manasespac huauquicuna cashcamantami herenciataca japinga.

2 CRÓNICAS 30:1

Chai quipami Ezequiasca tucui israelcunamanpish, Judá llactapi causaccunamanpish, Efrainpac, Manasespac aillucunamanpish israelcunata Mandac Diosta yuyarishpa, Pascua micuita ruhuangapac Jerusalenpi cac Mandac Diospac huasiman shamuchun quillcata cacharca.

NÚMEROS 26:28

Josepac ailluta catishpa yupashcaca Manasés, Efrainmi carca.

JOSUÉ 16:4

Chashnami Josepac churicuna Manasespish, Efrainpish cai allpata japirca.