JOSUÉ 13:8 - Dios Rimashcata Quillcashcami

⁸ Ashtahuanpish Rubenpac, Gadpac aillucuna, shinallatac Manasespac chaupi ailluca ñami japirca. Paicunamanca Mandac Diosta servic Moisesmi Jordán yacumanta inti llucshina ladoman tiyac llactacunata curca.

JOSUÉ 13:8 Iomraidhean Croise

NÚMEROS 32:19

Jordán yacumanta inti llucshic ladoman cac allpata ñucanchic japishpaca, Jordán yacu chimbapi tiyac japishca allpamanta ashtahuan chimbaman tiyac allpataca mana japishunchu— nirca.

DEUTERONOMIO 3:8

Chai punzhacunapica Arnón jatun yacumantaca Hermón urcucamanmi amorreocunapac ishcai jatun mandacmantaca allpata quichurcanchic. Chai llactacunaca Jordán yacumanta chimba ladomanmi carca.

JOSUÉ 12:1

Israelcunaca Jordán yacu chimba ladoman cac inti llucshic lado llactacunataca Arnón yacumantaca Hermón urcucaman, shinallatac inti llucshic ladopi cac Arabá tucui llactatami japirca. Chai jatun mandaccunata atishpami, israelcunaca chai llactacunata japirca.

JOSUÉ 12:6

Chai jatun mandaccunatami Mandac Diosta servic Moisespish, israelcunapish atirca. Chai llactacunatami Mandac Diosta servic Moisesca Rubenpac, Gadpac aillucunaman shinallatac Manasespac chaupi ailluman curca.

JOSUÉ 13:7

Cunanca, cai allpataca iscun aillucunaman, shinallatac Manasespac chaupi ailluman chaupishpa cungui» nirca.

JOSUÉ 13:9

Arnón yacu patapi tiyac Aroer pueblomanta jatun pugru pamba chaupipi tiyac pueblo ladocaman, shinallatac tucui Medeba pueblo lado pambata Dibón pueblocaman,

JOSUÉ 22:4

Cancunata Mandac Diosca pai nishca shinami, cancunapac huauquicunamanca cushi causaita cushca. Cunanca Jordán yacu chimba ladopi Mandac Diosta servic Moisés cancunaman cushca llactaman, cancunapac carpacunaman cutichiclla.

JOSUÉ 4:12

Moisés mandashca shinallatacmi Rubenpac, Gadpac aillupish, Manasespac chaupi aillupish macanacunata apashpa, caishuc israelcunapac ñaupata pasarca.

1 SAMUEL 13:7

Shinallatac maijan israelcunaca Jordán yacuta pasashpami Gad, Galaad llactacunaman rirca. Ashtahuanpish Saulca Gilgal pueblollapitacmi carca. Paihuan cac tucui gentecunaca manchaihuanmi chucchucurca.