JOSUÉ 13:6 - Dios Rimashcata Quillcashcami

⁶ Tucui urcu ladopi cac llactacunapish, Libanomanta Misrefot-maim pueblocaman, shinallatac tucui Sidón llactacunami japina tiyanrac. Tucui chai gentecunataca ñucami israelcunapac ñaupamanta llucchishpa cachasha. Canca chai llactacunataca ima shina ñuca mandashca shinallatac suerteta ruhuashpa, israelcunaman chaupishpa cungui.

JOSUÉ 13:6 Iomraidhean Croise

SALMOS 80:8

Chai llactapi causac runacunata llucchishpa cachashpami, Egiptomanta uvas yuracunata apamushpa tarpurcangui.

NÚMEROS 33:54

Allpataca cancunapac aillucuna mashna cashca shinallatac suerteta ruhuashpa chaupinguichic. Achca aillucuna cashpaca, achcata allpata japinguichic. Ashalla cashpaca, ashalla allpata japinguichic. Maipimi paicunaman suerte urman chaipimi japina canguichic.

JOSUÉ 1:6

Ama manchaichu, ashtahuanpish sinchi cai. Canmi ñaupa taitacunaman ñuca cungapac ari nishca allpataca cai tucui gentecunaman chaupishpa cungui.

JOSUÉ 11:12

Shinallatac Josueca chai jatun mandaccunapac tucui pueblocunapi causaccunata chaipi cac tucui jatun mandaccunandimi huañuchirca. Mandac Diosta servic Moisés mandashca shinallatacmi espadahuan huañuchishpa tucuchirca.

JOSUÉ 11:8

Israelcunapac maquipi Mandac Dios churacpimi, paicunata atishpa, Sidón jatun pueblocaman, Misrefot-maim pueblocaman inti llucshina ladopi tiyac Mizpa pugru pambacaman catishpa rircacuna. Chashnami shucllatapish mana saquishpa, tucui huañuchircacuna.

JOSUÉ 13:7

Cunanca, cai allpataca iscun aillucunaman, shinallatac Manasespac chaupi ailluman chaupishpa cungui» nirca.

JOSUÉ 23:13

cancunata Mandac Diosca chai llactapi causaccunataca cancunapac ñaupamanta mana ashtahuan llucchishpa cachanataca yachanami canguichic. Ashtahuanpish paicunaca cancunapacca tuclla shina mitcachic, cancunapac lomopi huactana angu shina, ñahuipi yaicushca casha shinami canga. Chashnami cancunata Mandac Dios cancunaman cushca sumac llactapi cancuna tucuringacaman chashna canga.

JOSUÉ 23:4

Riquichic, ña japishca llactacunatapish, mana japishca llactacunatapish suerteta ruhuashpami, cancunapac aillucunaman curcani. Inti llucshina lado Jordán yacumantaca inti tigrana ladoman cac mama cuchacamanmi curcani.

JOSUÉ 23:5

Cancunata Mandac Diosmi chai llactapi causaccunataca cancunapac ñaupamanta cancuna ricucucpi, llucchishpa shitanga. Chai allpataca cancunata Mandac Dios huillashca shinallatacmi cancunaman cunga.