JOSUÉ 13:5 - Dios Rimashcata Quillcashcami

⁵ Shinallatac giblitascunapac llactapish, inti llucshina ladoman cac Líbano tucui llactapish tiyanracmi. Hermón urcu chaquipi tiyac Baal-gad pueblomanta Lebo-hamat pueblocamanmi tiyanrac.

JOSUÉ 13:5 Iomraidhean Croise

1 REYES 5:18

Huasi ruhuanata yachaccunaca Salomonpac runacunapish, Hirampac runacunapish, Gebal pueblomanta runacunapishmi carca. Paicunami huasita ruhuangapacca caspicunata pitishpa rumita labrashpa allichircacuna.

1 REYES 8:65

Chai punzhacunapi Salomonca Mandac Diospac ñaupapica canchis punzhata jatun fiestata ruhuarca. Lebo-hamat puebloman yaicuna ladomantaca Egipto llacta jatun huaicu ladocunaman causacuc tucui israelcunandimi tandanacushpa, canchis punzhata fiestata ruhuarca. Chai quipapish canchis punzhatami fiestata ruhuarca. Tucui chunga chuscu punzhatami, fiestata ruhuarca.

SALMOS 83:7

shinallatac Gebalpi causaccunapish, amonitacunapish, amalecitacunapish, filisteocunapish, Tiro llactapi causaccunapish shuc shinallami tandanacushca.

ISAÍAS 10:9

Ñucamanca Calno llactaca Carquemis llacta shinallatacmi. Hamat llactapish, Arfad llacta shinallatacmi. Samaria llactapish Damasco llacta shinallami.

JEREMÍAS 52:9

Chaimantami jatun mandactaca prezushpa, Babilonia llacta jatun mandacpacman Hamat llactapi cac Ribla llactaman aparca. Chaipimi paitaca ima shina llaquichinata mandarca.

EZEQUIEL 27:9

Barco dañarishcata allichiccunaca Gebalmanta alli yachac, yuyac runacunami carca. Barcocunapish, barcota purichiccunapish randingapac, catungapacmi shamurca.

AMÓS 6:2

Cancunaca Calne llactaman rishpa ricuichic. Chaimantaca Hamat llactaman richic. Chai quipaca filisteocuna causana Gat llactaman richic. Cancunaca, ¿chai llactacunata yallichu canguichic? ¿Chai llactacunata atishpa, ashtahuan jatun llactapichu causanguichic?

NÚMEROS 13:21

Paicuna huichai rishpaca, Zin shitashca pambamanta Rehob llactacaman chayashpami Hamat llacta yaicunacaman chayarca.

NÚMEROS 34:8

Chaimantaca Hamatman yaicunacamanmi linderohuan churashca canga. Chai linderoca Zedadcamanmi ringa.

DEUTERONOMIO 1:7

Cancunaca amorreocunapac urcucunaman, chai cuchulla llactacunaman richic. Chai llacta ladollapi cac Arabá llactapi, urcupi, pugru pambapi, shitashca pamba Neguevpi, mama cucha patapi causac cananeocunapac llactapi, Líbano llactapi cac Eufrates yacu ladocaman rishpa causagrichic.

DEUTERONOMIO 3:25

Ñucapish Jordán yacuta pasashpa, chai urcu alli allpacunatapish, Líbano llactatapish ricungapac richun saquiyari” nishpa mañarcani.

JOSUÉ 11:17

Seir llactaman ric Halac urcumanta Líbano pambapi tiyac Baal-gad llactacaman, Hermón urcu pambacamanmi japirca. Shinallatac chai llactacunapi causaccunapac jatun mandaccunatapish chugrichishpami huañuchirca.

JOSUÉ 11:3

Chashnallatac inti tigrana ladopi, inti llucshina ladopi causac cananeocunamanpish, urcupi causac amorreocunamanpish, heteocunamanpish, ferezeocunamanpish, urcucunapi causac jebuseocunamanpish, Mizpa llacta Hermón urcu chaquipi causac heveocunamanpishmi huillachun cacharca.

JOSUÉ 12:7

Josuehuan, israelcunahuanca cai jatun mandaccunallatami atirca. Jordán yacumanta inti tigrana ladomanca Líbano pambapi tiyac Baal-gad llactamanta Seir urcuman ric Halac urcucamanmi atishpa japirca. Chai allpatami Josueca Israel aillucunaman paicuna mashna cashca ricushpa chaupishpa curca.