JOSUÉ 12:1 - Dios Rimashcata Quillcashcami

¹ Israelcunaca Jordán yacu chimba ladoman cac inti llucshic lado llactacunataca Arnón yacumantaca Hermón urcucaman, shinallatac inti llucshic ladopi cac Arabá tucui llactatami japirca. Chai jatun mandaccunata atishpami, israelcunaca chai llactacunata japirca.

JOSUÉ 12:1 Iomraidhean Croise

1 REYES 4:19

Uripac churi Gebertaca Galaad llactatami mandachun churarca. Chai llactaca amorreocunata jatun mandac Sehonpac, shinallatac Basán llactata jatun mandac Ogpacmi carca. Chai llactapica Geber runallami mandacurca.

SALMOS 133:3

Hermón urcuta tutamanta garua shamushpa, Sión urcuman chayamuc shinami can. Chaipimi Mandac Diosca bendiciashpa huiñai causaita cun.

SALMOS 136:21

Chai llactacunata israelcunaman cuc Diosta alabaichicyari. ¡Paica huiñaita llaquicmi!

SALMOS 89:12

Jahuaman tiyaccunatapish, uraman tiyaccunatapish canmi ruhuarcangui. Tabor urcupish, Hermón urcupish cambac shutitami cantangacuna.

ISAÍAS 16:2

Moab llactapi causaccunaca volac animal mancharishpa, cuzhata shitashpa ric shinami, Arnón ashalla yacu ladopica canga.

NÚMEROS 21:13

Chaimanta rishpaca, Arnón jatun yacu lado shitashca pambapimi carpata shayachishpa tiyarirca. Chai yacuca amorreocunapac allpamantami llucshicurca. Chai jatun yacumi Moab llactahuan amorreocunapac llactahuan linderoca.

NÚMEROS 21:21

Israelcunaca amorreocunata jatun mandac Sehonpacmanmi huillaccunata cacharca. Paicunata cachashpaca:

NÚMEROS 21:24

Shina cacpipish, israelcunaca espadacunahuan macashpami, Arnón yacumanta, Amón llacta Jaboc jatun yacucaman rishpa, allpata japirca. Amón llacta linderoca alli jarcashcami carca.

NÚMEROS 32:19

Jordán yacumanta inti llucshic ladoman cac allpata ñucanchic japishpaca, Jordán yacu chimbapi tiyac japishca allpamanta ashtahuan chimbaman tiyac allpataca mana japishunchu— nirca.

NÚMEROS 32:32

Mandac Diospac ñaupata macanacunahuan allichirishpami Canaanpi causaccunahuan macanacungapac pasashun. Jordán yacuta inti llucshic ladoman cac allpaca ñacaman nishca shinami ñucanchicpac canga— nirca.

NÚMEROS 32:33

Paicuna shina nicpimi, Moisesca Gadpac, Rubenpac aillucunaman, Josepac churi, Manasespac chaupi aillumanpish amorreocunata jatun mandac Sehón mandacushca, jatun mandac Og mandacushca llactacunata, chai llactacuna ucupi tiyac llactacunandi, llacta muyundi llactacunandi curca.

DEUTERONOMIO 2:24

Mandac Diosca: “Cunanca jatarishpa, jatun yacu Arnonta pasaichic. Riqui, amorreocuna causana Hesbón llactata jatun mandac Sehontaca pai mandana llactacunandimi cancunapac maquipi churani. Paicunapac llactaman yaicushpa, chai allpata quichui callarichic.

DEUTERONOMIO 2:32

Sehonca tucui paipac gentecunandimi ñucanchic-huan macanacungapac Jahazaman llucshirca.

DEUTERONOMIO 3:1

Cutinllatacmi Basán llactaman huichai cutircanchic. Chaipimi Basán llactata jatun mandac Ogca tucui paipac gentecunahuan Edrei llactapi ñucanchic-huan macanacungapac llucshirca.

DEUTERONOMIO 4:44

Cai mandashcacunatami Moisesca israelcunamanca huillarca.

DEUTERONOMIO 4:46

Caitaca Jordán yacumanta inti llucshina shuctac ladoman cac Bet-peor chimba lado pugru pambapimi yachachirca. Chai llactataca Hesbonpi causac amorreocunata mandac Sehonmi mandacurca. Chai mandactaca Moisesmi israelcunahuan Egiptomanta llucchimushca quipa huañuchirca.

DEUTERONOMIO 4:48

Paicunaca Arnón yacu ladopi tiyac Aroer llactamantaca Sirión nishca, Hermón urcucamanmi japirca.

JOSUÉ 1:15

Chashnami cancunata Mandac Dios cancunata pasachishca shinallatac, cancunapac huauquicunata samachingacaman, shinallatac paicunapish Mandac Dios cushca allpata japingacaman ayudana canguichic. Chai quipaca Jordán yacumanta inti llucshina ladoman Mandac Diosta servic Moisés cancunaman cushca llactaman cutinguichicllami” nishcata yuyarichic— nirca.

JOSUÉ 11:17

Seir llactaman ric Halac urcumanta Líbano pambapi tiyac Baal-gad llactacaman, Hermón urcu pambacamanmi japirca. Shinallatac chai llactacunapi causaccunapac jatun mandaccunatapish chugrichishpami huañuchirca.

JOSUÉ 11:3

Chashnallatac inti tigrana ladopi, inti llucshina ladopi causac cananeocunamanpish, urcupi causac amorreocunamanpish, heteocunamanpish, ferezeocunamanpish, urcucunapi causac jebuseocunamanpish, Mizpa llacta Hermón urcu chaquipi causac heveocunamanpishmi huillachun cacharca.

JOSUÉ 13:8

Ashtahuanpish Rubenpac, Gadpac aillucuna, shinallatac Manasespac chaupi ailluca ñami japirca. Paicunamanca Mandac Diosta servic Moisesmi Jordán yacumanta inti llucshina ladoman tiyac llactacunata curca.

JOSUÉ 22:4

Cancunata Mandac Diosca pai nishca shinami, cancunapac huauquicunamanca cushi causaita cushca. Cunanca Jordán yacu chimba ladopi Mandac Diosta servic Moisés cancunaman cushca llactaman, cancunapac carpacunaman cutichiclla.

JUECES 11:18

Quipaca shitashca pambata rishpami Edompac llactata, Moabpac llactata muyushpa inti llucshina ladota rishpa Arnón yacu cuchullapi carpata shayachishpa tiyarirca. Arnón yacu moabitacunapac llactapi cacpimi chai llactaman mana yaicushpa chaillapi tiyarirca.