JOSUÉ 11:23 - Dios Rimashcata Quillcashcami

²³ Mandac Dios Moisesta mandashca shinallatacmi Josueca tucui chai llactata japirca. Chai llactacunataca Israel aillucuna mashna aillu cashca shinallatacmi, chaupishpa curca. Shinami chai llactaca ña mana macanacui tiyacpi samarirca.

JOSUÉ 11:23 Iomraidhean Croise

NEHEMÍAS 9:24

Paicunapac huahua huahuacunami chai llactataca japirca. Chai llactapi causac cananeocunata atishpami, paicuna munashcata ruhuashpa llaquichichun, jatun mandaccunandi, chai llactapi causaccunandi, paicunapac maquipi churarcangui.

SALMOS 46:9

Tucui llactacunapi macanacuita tucuchishpami, arcocunatapish, lanzacunatapish paquishpa tucuchishca. Macanacuna carretacunatapish tucuimi ninapi rupachishca.

ÉXODO 34:11

Cunan, canman ñuca cushca mandashcacunata huacaichingui. Cancunapac chaupimantami amorreocunatapish, cananeocunatapish, heteocunatapish, ferezeocunatapish, heveocunatapish, jebuseocunatapish llucchishpa cachasha.

EZEQUIEL 45:8

Chai allpata japishpami, Israel llactata mandacca ñuca acllashca israelcunata ña mana ashtahuan llaquichinga. Chai allpaca tucui Israel aillucuna causanami canga.

DEUTERONOMIO 1:38

Canta ayudashpa puric Nunpac churi Josuemi chai llactamanca yaicunga. Paimi japina cashca llactataca israelcunaman cunga. Chaimanta pai richun alli yuyaita cungui.

DEUTERONOMIO 25:19

Chaimantami Mandac Dios cancunaman cushca llactapi causacucpica, cancunata piñac tucui muyundi llactacuna llaquichinamanta cuidanga. Chashna cacpimi, samaringuichic. Mandac Dios cushca llactapi causacushpaca, Amalecpac shutitaca tucui cai pachamanta chingachinguichic. Amatac chashna ruhuanataca cungaringuichicchu.

JOSUÉ 11:18

Josueca chai jatun mandaccunahuanca tauca huatatami macanacurca.

JOSUÉ 12:7

Josuehuan, israelcunahuanca cai jatun mandaccunallatami atirca. Jordán yacumanta inti tigrana ladomanca Líbano pambapi tiyac Baal-gad llactamanta Seir urcuman ric Halac urcucamanmi atishpa japirca. Chai allpatami Josueca Israel aillucunaman paicuna mashna cashca ricushpa chaupishpa curca.

JOSUÉ 18:10

Silo pueblopimi Josueca Mandac Diospac ñaupapi suerteta ruhuashpa, allpata chaupishpa israelcunaman curca.

JOSUÉ 22:4

Cancunata Mandac Diosca pai nishca shinami, cancunapac huauquicunamanca cushi causaita cushca. Cunanca Jordán yacu chimba ladopi Mandac Diosta servic Moisés cancunaman cushca llactaman, cancunapac carpacunaman cutichiclla.

JOSUÉ 23:1

Mandac Dios israelcunata paicunapac muyundipi causac piñaccunamanta samachishca tauca huatacuna quipami, Josueca tauca huatayuc, ña yuyac cashpa,