JOSUÉ 11:22 - Dios Rimashcata Quillcashcami

²² Anaquitacunaca israelcunapac llactapica shucllapish mana saquirircachu. Ashtahuanpish maijancunallami Gaza, Gat, Asdod pueblocunapi saquirirca.

JOSUÉ 11:22 Iomraidhean Croise

1 REYES 2:39

Ashtahuanpish quimsa huata quipami Simeipac ishcai serviccunaca pacalla llucshishpa, Gat pueblota jatun mandac Maacapac churi Aquispacpi causangapac rircacuna. Shina cacpimi Simeiman huillashpaca: «Riqui, canta serviccunaca Gat pueblopimi» nircacuna.

1 CRÓNICAS 18:1

Chai quipaca filisteocunata mishashpami Davidca, Gat pueblota muyundi uchilla pueblocunandi filisteocunapac maquimanta quichushpa mandashpa charirca.

1 CRÓNICAS 8:13

Bería, Sema runacunami Ajalón pueblopi causac familiacunata mandaccuna carca. Paicunami Gat pueblopi causaccunata llucchishpa cacharca.

2 CRÓNICAS 26:6

Uziasca filisteocunahuan macanacungapac llucshishpaca, Gat, Jabnia, Asdod pueblo muyundi jatun pircacunatami urmachirca. Chai quipaca Asdod llacta muyundipipish, filisteocunapac llactapipish shuctac pueblocunatami shayachirca.

ISAÍAS 20:1

Asiria llactata jatun mandac Sargonca paipac soldadocunata mandac Tartantami Asdod llactaman cacharca. Chashna cachacpimi, chai llactapi causaccunahuan macanacushpa, chai llactata japirca.

HECHOS 8:40

Ashtahuanpish Felipeca Azoto pueblopimi taririrca. Chaimanta callarishpami, Cesarea puebloman chayangacaman, tucui pueblocunapi alli huillaita huillashpa rirca.

DEUTERONOMIO 2:23

Shinallatac Gazapi tiyac uchilla llactacunapi causac aveocunataca Caftor llactamanta caftoreocuna shamushpami tucui tucuchishpa, chaipi causai callarircacuna).

DEUTERONOMIO 9:2

Chai llactacunapica Anacpac churi manchaipac jatun gentecunami causan. Paicunamanta maijancuna: “Anacpac churicunahuanca, ¿pitac macanacungapac shayari pudingayari?” nishcataca cancunallatacmi uyashcanguichic.

JOSUÉ 10:41

Josueca Cades-barnea pueblomantaca Gaza pueblocamanmi tucui atirca. Chashnami Gosén llactamantaca Gabaón pueblocaman tucui huañuchirca.

JOSUÉ 15:14

Calebmi Anacpac churi Sesai, Ahimán, Talmai quimsa churicunata chai llactamanta llucchishpa cacharca.

JOSUÉ 15:46

Ecrón pueblomanta mama cuchacaman, Asdod pueblo muyundi huasicunapish, uchilla llactacunapishmi carca.

JOSUÉ 15:47

Shinallatac Asdod pueblopish, muyundipi tiyac huasicunapish, uchilla llactacunapishmi carca. Gaza pueblopish muyundipi tiyac huasicunapish, uchilla llactacunapishmi carca. Chai pueblocunaca Egipto llacta jatun yacucaman shinallatac mama cucha patacunacamanmi carca.

JUECES 1:18

Chashnallatac Judá ailluca Gaza pueblotapish, Ascalón pueblotapish Ecrón pueblotapish allpacunandimi japirca.

JUECES 3:3

Chai llactacunaca caicunami: Filisteocunamantaca pichca pushaccuna, tucui cananeocuna, Líbano urcu llactapi causac sidoniocunapish, heveocunapish cancuna. Paicunapac llactaca Baal-hermón urcumantaca Hamat pueblocamanmi carca.

1 SAMUEL 17:4

Chashna cacpimi, filisteopuramanta Gat pueblopi causac macanacunata alli yachac Goliat llucshirca. Paica quimsa metro yalli altomi carca.

1 SAMUEL 5:1

Diospac Arcata filisteocuna quichushpaca Eben-ezer pueblomantaca Asdod pueblomanmi aparca.